QALA JYLU BERU MAUSYMYNA DAIYN
Jadyraǧan jaz mezgılı de artta qaldy. Astanaǧa saryala küz kelıp jetkelı berı kün raiy kürt suytty. Būl rette qalanyŋ qysqa daiyndyǧy turaly Astana qalasy Tūrǧyn üi inspeksiiasy basqarmasynyŋ bölım basşysy Amandos Qūsanov äŋgımeleidı.
– Qalamyzda jylu beru mausymyna daiyndyq qalai?
– Astanada aldaǧy jylu beru mausymyna daiyndyq aiaqtalyp keledı. Qazır qaladaǧy tūrǧyn üilerdıŋ 97 paiyzy, naqtyraq aitsaq ortalyqtandyrylǧan jylu jüiesıne qosylǧan 2115 tūrǧyn üidıŋ 2061-ı qysqa daiyn. Esep beru jinalystarynda päter ielerı jöndeu jūmystarynyŋ kölemın anyqtap, maqsatty qarajat jinaudy ūiymdastyrdy. Osyǧan orai, qalanyŋ köp qabatty üilerınıŋ şatyrlary jöndelıp, jylumen qamtamasyz etetın jelıler auystyryldy. Jylu almastyrǧyştar, jalpy tūrǧyn üilık jylu men sudy esepteitın qūrylǧylar jaŋartyldy. Sumen jabdyqtau, elektr jüiesı jöndeldı.
– Būl ıste qandaida bır qolbailau bar ma?
– Basty mäsele – keibır tūrǧyndardyŋ ortaq mülıktı kütıp ūstauǧa nemqūraily qarauy. Olardyŋ arasynda älı de bolsa üiışılık injenerlık jelılerdıŋ tehnikalyq jaǧdaiyna janaşyrlyq tanytpaityndar kezdesıp qalady. Ortaq menşıkke özımızdıkı dep qarauymyz kerek qoi.
– Qazırgı taŋda būl baǧytta qandai jūmystar atqarylyp jatyr?
– Bügınge deiın üiışılık 308 qondyrǧynyŋ 263-ı ornatylyp, su esepteitın 230 qūrylǧynyŋ 227 auystyrylǧan. Jalpy, Astananyŋ üş audanynda da biylǧy jylytu mausymyna daiyndyq jūmystary aiaqtaluǧa jaqyn. Qysqa daiyndyq jūmystary qalanyŋ äleumettık nysandarynda da jürgızılude. Atap aitsaq, qazırgı kezde 137 bılım mekemesınıŋ 130-y, ortalyq jylu beru jüiesıne qosylǧan 28 densaulyq mekemesınıŋ barlyǧy jäne 92 mädeni nysan qysqa daiyn.
Gülbarşyn ÖKEŞQYZY