Keşe QR Prezidentı janyndaǧy Ortalyq kommunikasiialar qyzmetınıŋ brifingıne qatysyp, öŋırdıŋ äleumettık-ekonomikalyq damu körsetkışterın baiandaǧan Qaraǧandy oblysynyŋ äkımı Bauyrjan Äbdışev Memleket basşysy Nūrsūltan Nazarbaevtyŋ Ükımettıŋ keŋeitılgen otyrysyndaǧy syn-eskertpelerıne bailanysty qolǧa alynǧan şaralarǧa toqtaldy.
Biyl Qaraǧandy oblysynyŋ biudjetı 224 mlrd teŋgenı qūrady. Onyŋ 55 paiyzy – respublikalyq biudjetten tüsken subvensiialar, nesieler men transfertter. 119,5 mlrd teŋge äleumettık salaǧa, sonyŋ ışınde bılım beruge 62,4 mlrd teŋge, densaulyq saqtauǧa 33,7 mlrd teŋge bölıngen.
Oblysta ıske asyrylyp jatqan ırı jobalardyŋ arasynda Jezqazǧan – Sekseuıl, Arqalyq – Şūbarköl temır joldary qūrylysynyŋ maŋyzy öte zor. Qūrylys aiaqtalǧannan keiın 4 myŋǧa juyq adam tūraqty jūmyspen qamtylady, jük tasymaldau kölemı artady, elımızdıŋ batysyna jolauşylardyŋ jetu uaqyty qysqarady. Sondai-aq, qazırde Astana – Temırtau küre jolynyŋ qūrylysy jürude. Qaraǧandy oblysy arqyly būl joldyŋ 93 şaqyrymy ötedı. Joldyŋ maŋyzyna toqtalǧan Bauyrjan Tüiteūly, eŋ aldymen, ol Qaraǧandy oblysyn elordamen jaqyndata tüsıp, ekı qala arasyndaǧy alys-berıs, barys-kelıstıŋ damuyna septıgın tigızetının atap öttı. Sonymen bırge, 2016 jyly taqtaidai tegıs jol paidalanuǧa berılgende jol apattarynyŋ sany da azaiu tiıstıgın aitty.
Ükımettıŋ keŋeitılgen otyrysynda Elbasy Qaraǧandydaǧy «Fermer» ūşaǧyn qūrastyru zauytynan bırde-bır ūşaq qūrastyrylmaǧanyn aitqan bolatyn. Ol turaly brifingte Bauyrjan Äbdışev: «Jobany ıske asyru barysynda ärıptester arasynda kelısımşarttyq mındettemeler būzylǧan. Käsıporyn qajettı tehnikalyq qūjattamany almaǧan. Bız qazır «Kazaviaspektr» JŞS-men bırlesıp, zauytty ıske qosudyŋ joldaryn ızdep otyrmyz. Bırınşıden, kelısımşarttyq mındettemeler oryndalatynyna ümıtımız bar. Serıktestermen kezdesuler ūiymdastyrudy qolǧa aldyq. Sondai-aq, «Qazaqstan injiniring» Ūlttyq kompaniiasy» AQ-men būl zauyttyŋ bazasynda pilotsyz ūşaqty qūrastyru mäselelerın talqylap otyrmyz. Osy tektes kelıssözder amerikalyq, reseilık, sloveniialyq kompaniialarymen de jürude. Zauyttyŋ jūmysyna qatysty qylmystyq ıs qozǧalǧan. Onyŋ qorytyndylarymen qūzyrly organdar bızderdı tanystyrady dep oilaimyn» dedı.
«Biznestıŋ jol kartasy – 2020» baǧdarlamasynyŋ atqaryluyna qatysty synǧa B. Äbdışev būl baǧdarlama boiynşa oblysqa 10 mln teŋge bölıngenın, osy qarjyǧa üş joba ıske asatynyn jetkızdı.
Amanǧali QALJANOV