«Ruhani jaŋǧyru» baǧdarlamasyn ıske asyru maqsatynda «Qaharmandar» Qazaqstannyŋ bostandyǧy men täuelsızdıgı üşın küreste japa şekken tūlǧalardy aqtau jäne este saqtau jönındegı respublikalyq qoǧamdyq qor qūryldy. 24 mamyr künı būl ūiym elordadaǧy öz keŋsesınıŋ esıgın saltanatty türde aşyp, alǧaşqy jūmysyn «El bırlıgı jäne Qaharmandar sabaqtastyǧy» taqyrybynda döŋgelek üstelmen bastady.
Būl şaraǧa Oralbai Äbdıkärımov, Ömırzaq Ozǧanbaev, Amangeldı Aitaly, Mämbet Qoigeldı, Ziiabek Qabyldinov, Berık Äbdıǧaliūly syndy elge äigılı saiasi tūlǧalar, qoǧam qairatkerlerı men ǧalymdar qatysyp, söz söiledı. Baiandamaşylar onda memleket qoǧam qajetıne ainalǧan barlyq jūmysty özı atqara almaityn bolǧandyqtan, ükımettık emes ūiymdar qajet ekenın bıldırdı. «Ruhani jaŋǧyru» baǧdarlamasyn jüzege asyruda azattyq üşın küresken bozdaqtardy aqtap, olardyŋ esımın därıpteu, elde atyna köşe berıp, ūrpaqqa ülgı bolatyn erlık ısterın sabaq qylu būl tūrǧyda sanany jaŋǧyrtuǧa qajet, uaqyt talabyndaǧy ıs ekenı aidan anyq. Sondyqtan da olar «Qaharmandar» atty respublikalyq qordyŋ qūrylǧanyna quanǧandaryn jasyra almady. Būl tūrǧyda qor jetekşısı, belgılı qairatker Sabyr Qasymov: «Bız ülken deŋgeidegı tarihtaǧy handar men bilerdı, batyrlardy, aty elge mäşhür tūlǧalardy aqtadyq. Bıraq jergılıktı jerlerde älı aqtalmaǧan, eleusız qalyp qoiǧan azamattar köp. Men sol esımder aldyndaǧy aiybymyzdy öteu üşın būrynnan osy maqsatta jūmys ıstep kele jatyrmyn. Osy maqsatta jüielı, nätijelı jūmys ısteu üşın myna qordy aştyq, qazır oblystardan da filialdaryn qūruǧa jūmys ıstep otyrmyz» deidı.
Būdan ärı «Qaharmandar» qoǧamdyq qory L.Gumilev atyndaǧy Euraziia ūlttyq universitetınde osy oqu ordasy men QR BǦM Ş.Uälihanov atyndaǧy tarih jäne etnologiia institutymen bırlesıp «Astana – Ūly dala patriotizmı men jasampazdyǧynyŋ simvoly» taqyrybynda halyqaralyq ǧylymi-praktikalyq konferensiia ötkızdı. Būl konferensiiaǧa Parlament deputattary, otandyq jäne Resei, Japoniia, Türkiia, Vengriia sekıldı memleketterden kelgen ǧalymdar, saiasi tūlǧalar qatysty. Saratov memlekettık universitetınıŋ professory Andrei Şenin Astananyŋ jedel qarqynmen damuy men älemdık ürdısterge qosyp otyrǧan ülesı, beibıtşılık pen tatulyqqa qyzmet etıp kele jatqan qala ekenıne toqtalsa, Japoniianyŋ Tokuşima universitetınıŋ tehnika ǧylymdarynyŋ doktory, professor Akitoşi Mochizuki «Japon progresınıŋ fenomenı» taqyrybynda söz söilep,
«Ruhani jaŋǧyru» baǧdarlamasynyŋ maŋyzdy tūstaryn söz qyldy. Zaŋ ǧylymdarynyŋ doktory, professor Marat Särsenbaev: «Tarihqa qarasaq, Qazaqstannyŋ astanasy ylǧi el şetınde bolypty. Orynbordy alsaŋyz da, Qyzylordany alsaŋyz da, Almatyny alsaŋyz da solai. Al şyn mänınde älemnıŋ qai elın alyp qarasaŋyz da, astanasy el territoriiasynyŋ qaq ortasynda. Bız astanany Arqaǧa köşıru arqyly sol kemşılıgımızdı joidyq. Astana qazır baitaq elımızdıŋ ortalyǧynan boi kötergen» dei kele, elorda tarihyn baiandady. Professor Mämbet Qoigeldı Alaş arystarynyŋ qadamynan keiın ırı reforma jasap otyrǧan el Prezidentı Nūrsūltan Nazarbaev jäne Astana da sol reformanyŋ jemısı ekenın atap öttı ol.
