Keşe elordanyŋ barlyq mektepterınde syŋǧyrlaǧan ünımen jürektı tebırentetın soŋǧy qoŋyrau soǧyldy. Äsırese, on bır jyl bılım närın jinaǧan altyn ūialarynan arman jolyna qanat qaqqan 5 870 tülek üşın būl aituly şaranyŋ mänı bölek. Endı olar mūndai saltanatty sättı eşqaşan bastan keşpeidı. Bozbala men boijetkenderdıŋ bal-būl janǧan jüzderınen balalyqtan arylmaǧan tolqynys, ūstazdarymen qoştasqysy kelmegen qimastyq sezım baiqalyp tūrdy.
Jalpy, elordalyq oquşylar astanalyq märtebe atyna äbden laiyq. Biyl da olar respublika boiynşa 12 ret qatarynan «Üzdık komanda» ataǧyna ie boldy. Sondai-aq, bızdıŋ jetkınşekterdıŋ 2017-2018 oqu jylynda halyqaralyq, respublikalyq olimpiadalarda jäne ǧylymi jobalarda qanjyǧalary bos qaitqan emes. Olar 39 altyn, 53 kümıs jäne 90 qola jeŋıp alyp, bas-aiaǧy 182 medaldı ielendı.
Jyl saiyn mektep tülekterın Ūlttyq bıryŋǧai testıleu synaǧy kütıp tūrady. Osy jyly oǧan elordadan 5 329 oquşy qatyspaq. Aitqandai, biyl «Altyn belgıge» ümıtkerler sany byltyrdan köp. Iаǧni, 277 tülek öz bılımderın qorǧauǧa tas-tüiın daiyndaluda. Sonymen qatar, 318 oquşy üzdık attestat aluǧa baǧyn synamaq. «Altyn belgı» ümıtkerlerınıŋ köp bölıgın şahardaǧy №48, №1, №54, №66 jäne №75-şı mekteptıŋ oquşylary qūrap otyr.
Aita keteiık, Astanada ūlttyq emtihan jyldaǧydai 3 universitettıŋ bazasynda ūiymdastyrylady. Onyŋ ötu merzımı: 20 mausymnan 1 şıldege deiın jobalanǧan. Aldaǧy mausymnyŋ soŋynda qala basşylyǧy atynan «Altyn belgı» iegerlerıne arnalǧan «Elorda maqtanyşy» atty şara ötkızıledı.
