Sochide Qazaqstan Prezidentı Qasym-Jomart Toqaev Resei Prezidentı Vladimir Putinmen kezdestı. Qasym-Jomart Toqaev Elbasy negızın qalaǧan Qazaqstan men Resei arasyndaǧy ärıptestıktıŋ joǧary deŋgeiı men därejesınıŋ saqtalǧanyn atap öttı. Memleket basşysy «Valdai» pıkırtalas klubynyŋ otyrysyna qatysyp, söz söiledı. Biylǧy forum ǧalamdyq geosaiasattaǧy Şyǧystyŋ rölı taqyrybyna arnaldy.
Memleket basşysy Euraziialyq ekonomikalyq odaq şeŋberınde integrasiialyq prosester boiynşa joǧary deŋgeidegı tüsınıstık baryn atady. Onyŋ aituynşa, Erevanda ötken JEEK otyrysyndaǧydai tuyndaǧan mäseleler boiynşa uaqytyly şeşımder qabyldanuy qajet. Qazaqstan tarihi jäne geografiialyq ornalasu jaǧynan Şyǧyspen de, Batyspen de bailanys ornatqanyn atap ötken Qasym-Jomart Toqaev Qazaqstan 2020-2022 jyldary Aziiadaǧy özara yqpaldastyq jäne senım şaralary jönındegı keŋeske töraǧalyq etu barysynda özge de köpjaqty instituttarmen bailanysty küşeitudı josparlap otyrǧanyn mälımdedı.
«Valdai» halyqaralyq pıkırtalas klubynyŋ XVI plenarlyq sessiiasyna älemnıŋ ondaǧan elınen bedeldı saiasatkerler men belgılı sarapşylar, qoǧam qairatkerlerı qatysty, biylǧy forum ǧalamdyq geosaiasattaǧy Şyǧystyŋ rölı taqyrybyna arnaldy.
– Altyn Orda – qazaqtyŋ mädeni kodynyŋ maŋyzdy bölşegı. Ol şyn mänınde jäne geografiialyq tūrǧyda da euraziialyq el sanalady. Ärine, el aumaǧynyŋ basym bölıgı Aziiada ornalasqan. Degenmen, Qazaqstan territoriiasynyŋ 4 paiyzy europalyq kontinentte jatqanyn ūmytpau kerek. Ol degenımız – 120 myŋ şarşy kilometr jer, – dep atap öttı Qazaqstan Prezidentı.
Qazaqstannyŋ aimaqtyq qaqtyǧystardy retteude ädıl araǧaiyndyqty jaqtaitynyn aitqan Memleket basşysy Taiau Şyǧys üşın, onyŋ ışınde, Siriia boiynşa Astana prosesınde ömırşeŋ şeşımder ızdestıruge daiyn ärı qoldauǧa äzır ekenın mälımdedı.
