QAZAQTARǦA MÄŊGILIK QARYZDARMYZ
Bız – qazaq halqyna ärdaiym rizaşylyqta bolyŋdar dep ösiet etkenderdıŋ ūrpaǧymyz. Otbasynda ata-anamyzdyŋ aqjarma sözderın köŋılge toqyp östık.
Osydan üş jyl būryn Almaty oblysy, Qaratal audany, Üştöbe qalasyndaǧy Bastöbe tauynyŋ bökterınde alǧys monumentınıŋ ırgetasyn qalaǧan edık. «Qazaq halqyna myŋ alǧys» dep qazaq, orys, korei tılderınde tasqa qaşalyp jazylǧan sözder qazaq jerın mekendegen özge ūlt ökılderı razylyǧynyŋ bır belgısı boldy. Būl jer jai taŋdalyp alynǧan joq. Osydan 78 jyl būryn qazaq jerıne jer audarylǧan koreilerdıŋ alǧaşqy legı osy töbenı panalaǧan edı. Taudyŋ etegınde jertölelerdıŋ orny älı künge deiın saqtalǧan. Osy maŋda suyq pen aştyqtan, aurudan qyrylǧan koreiler jerlengen. Mūndai belgı ölı äruaqtarǧa da, öskeleŋ ūrpaqqa da kerek. Quǧyn-sürgın jyldarynyŋ adam tözgısız auyrtpalyǧy eşqaşan qaitalanbas üşın, ötkenımız ben bügınımızdı zerdeleuge qajet. Būl eren halyqtyŋ ızgılık önegesın jürekterımızde saqtap, ony keler ūrpaqqa jetkızudegı talpynysymyz edı.
Qazaqstan halqy assambleiasynyŋ 22-sessiiasynda Elbasy Nūrsūltan Nazarbaev jüregımızdıŋ tükpırınde jürgen oidy qozǧady. Biık mınberden elımızdegı türlı ūlt ökılderınıŋ bır-bırıne alǧys bıldıretın arnaiy künınıŋ boluy maŋyzdy dedı. Būl bırınşıden, Qazaqstanǧa taǧdyrdyŋ jazuymen auyp kelgen adamdardyŋ bügıngı ūrpaǧynyŋ qazaq halqyna alǧys aitudyŋ mümkındıgın qarastyrady. Būl kün ūly halyqtyŋ şeksız meiırımı men keŋdıgın ūlyqtau künı bolyp ta atalyp öter edı. Jürekterdı ızgılık şuaǧymen toltyratyn Alǧys künı bükıl el bolyp atap ötetın aituly merekege ainalady dep oilaimyn.
Roman KİM,
Mäjılıs deputaty,
Qazaqstan koreilerı qauymdastyǧynyŋ prezidentı