Täuelsızdıktıŋ 25 jyldyǧyn merekeleu aiasynda Saryarqa audanynyŋ äkımdıgınde audannyŋ damuyna sübelı üles qosqan tūrǧyndardy marapattau saltanaty öttı. Sondai-aq, audan äkımı qaramaǧyndaǧy apparat qyzmetkerlerın de qūttyqtap, ızgı tılegın bıldırdı.
Saryarqa audany äkımdıgı tarapynan ardagerlerdıŋ bärıne baǧaly syilyq pen azyq-tülıkke toly qorjyndar ülestırıldı.
– Täuelsızdık künı – elımızdegı eŋ maŋyzdy mereke. Şirek ǧasyrlyq mereitoidy bız ülken jetıstıktermen qarsy alǧaly otyrmyz. Sonyŋ ışınde Täuelsızdık jyldary qalyptasqan Astananyŋ kelbetın erekşe atauǧa bolady. Al oǧan osy jerge jinalǧan bataly qariialardyŋ eŋbegı sıŋdı. Jüktelgen mındetterdı atqaruda sızderdıŋ keŋesterıŋız köp kömegın tigızedı, – dedı Arman Tūrlybek.
Audan äkımınıŋ aituynşa, bügınde Saryarqa audanynda 27 myŋ zeinetker, 140 bastapqy ardagerler ūiymy bar. Sonyŋ ışınde 54 Ūly Otan soǧysynyŋ ardagerı, 2100 tyl ardagerı, 1200 eŋbek ardagerı osy audanda tūrady. Barlyǧy – ardagerler ūiymyna müşe.
– Osynau Täuelsızdık toiy qarsaŋynda bızdı arnaiy şaqyryp, elep-eskerıp, syi-qūrmet körsetkenderıŋızge rahmet. Mereke künı audanymyzdyŋ jaŋa äkımımen osyndai quanyşta qauyşqanymyzǧa quanyştymyz. Ülkender igı bastamalaryŋa ärqaşan qoldau bıldıruge daiyn, – dep qariialar atynan Baltaş Sūŋqarbekov rizaşylyǧyn bıldırdı.
Astana qalasy Qoǧamdyq keŋesınıŋ töraǧasy Sansyzbai Esılov jaŋa äkımnıŋ bastaǧan ısıne sättılık tılep, osy jerdıŋ qariialaryn jinap, batasyn alǧanyn körgendıgı, bılgendıgı dep baǧalady.
Al apparat qyzmetkerlerın qūttyqtaǧan saltanatty jiynda audan äkımı elımız egemendık alǧannan bergı qol jetkızgen jetıstıkter jaiynda salmaqty söz qozǧap, elordanyŋ damuymen bırge audannyŋ da ekonomikalyq-äleumettık jaǧdaiy jaqsaryp, infraqūrylym men tūrǧyndardyŋ tūrmysy tūraqty jolǧa qoiylǧandyǧyn baiandady.
– Elbasynyŋ saliqaly saiasatynyŋ arqasynda elımız 25 jyl ışınde älem tanyǧan memleket atandy. Bızdıŋ Saryarqa audanynyŋ tarihy Astananyŋ alǧaşqy künınen bastalady. Bügınde elordamyz özge jūrt qyzyǧatyndai äsem şaharǧa ainaldy. Qanşama biık ǧimarat boi köterdı. Sonyŋ barlyǧy täuelsızdıktıŋ jemısı dep aituǧa bolady, – dedı Arman Tūrlybek.
Şara soŋynda audan basşysy eren eŋbektıŋ ülgısın körsetken mamandardy alǧys hatpen marapattap, baǧaly syilyqtar tabys ettı.
Orynbek ÖTEMŪRAT
