Qoǧamdyq kölıkte jüru erejesı özgeredı
21 şıldeden bastap elordadaǧy qoǧamdyq kölıkterde jolauşylardy otyrǧyzu men tüsıru tärtıbı özgeredı.
Jaŋa erejege säikes, jolauşylar avtobusqa tek jürgızuşı jaqtaǧy aldyŋǧy esıkten kıruı tiıs. Al şyǧarda ortaŋǧy nemese soŋǧy esıkter paidalanylady. Ortaŋǧy esıkten kırıp-şyǧu qūqyǧy mümkındıgı şekteulı jandarǧa, zeinetkerlerge, jüktı äielderge, mektep jasyna deiıngı balany ertken jolauşylarǧa ǧana berıledı.
Būl özgerıster jolauşylardy bolaşaqta konduktorsyz qatynaityn avtobustarmen jüruge beiımdemek. Bügıngı künnıŋ özınde qala boiynşa ekı baǧytta qoǧamdyq kölık jürgızuşısı jolauşylardy konduktorsyz tasymaldap jür eken. Aldaǧy uaqytta būl täjıribe bırte-bırte basqa da avtobustarǧa engızılmek. Al avtobustarda kölık kartasymen tölem jasaityndar qatary köbeigen saiyn konduktorlardyŋ da jūmystan qysqara bastaitynyn aitady mamandar.
– 21 şıldede saralanǧan tarif engızıletındıkten, konduktorlardyŋ qyzmetı bırtındep joiyla bastaidy. Alaida barlyq konduktor bırden jūmystan şyǧarylmaidy. Sebebı kölık kartasyn barlyǧy alyp ülgermegen, qolma-qol aqşamen eseptesetın jolauşylar älı de az emes, – deidı «Astana LRT» kompaniiasynyŋ baspasöz qyzmetınıŋ jetekşısı Nauat Azanbaeva.
Onyŋ aituynşa, 1 şıldeden osy uaqytqa deiın 42 myŋnan asa karta satylypty. Al būǧan deiın 40 myŋ karta üş aida satylsa, qazır aptasyna 20 myŋ karta satylyp jatqan körınedı.