Astanadan auylǧa deiın…
Qaraǧandy oblysy
«Spassk» poligonynda jastardyŋ «Aibyn» äskeri-patriottyq şarasy bastaldy. Şaranyŋ aşyluyna Memlekettık hatşy Gülşara Äbdıqalyqova qatysty. Astananyŋ 20 jyldyǧyna arnalǧan jiyn 21 şıldege deiın jalǧasady.
Aqtöbe oblysy
Aimaqty gazdandyru boiynşa 19 joba jüzege asady. Gaz qūbyrynyŋ jalpy audany 6270 şaqyrymdy qūramaq. Bügınderı oblystaǧy 374 eldı mekennıŋ 115-ı gazdandyrylǧan. Qazırgı kezde 14 joba boiynşa qūrylys-montajdau jūmystary bastaldy.
Maŋǧystau oblysy
«Sarbaz» atty şekaraşylar kemesı Aqtaudan Reseidıŋ Mahachkala portyna jüzıp kettı. Būl atalmyş keme ekipajynyŋ özge memleketke dostyq räuışte jasap jatqan alǧaşqy sapar. Şekaraşylar körşı eldegı ärıptesterımen bırlesıp atqarylatyn şaralardy talqylap, keler jyldyŋ josparlarymen kelıspek.
Jambyl oblysy
Öŋırde qylmystyq ısterdı elektrondy formatqa köşırdı. Jyl basynan sifrlyq nūsqada 103 qylmystyq ıs qaraldy. Ol üşın arnaiy jabdyqtalǧan 14 sot zaly jūmys ıstep jatyr.
Qyzylorda oblysy
Kelesı jyly Aral öŋırındegı Qamystybas kölınıŋ maŋaiynda kottedjder qalaşyǧy boi köterıp, jaŋa katerler, gidrosiklder men katamarandar sumen jüredı. Būl jaǧdai «Batys Europa-Batys Qytai» halyqaralyq avtobany aumaǧynda ornalasqan aimaqtyŋ turizm klasterın damytuǧa jol aşady.
Şyǧys Qazaqstan oblysy
Büirektı auystyru boiynşa aimaqtaǧy alǧaşqy ota Öskemen qalasynda jasaldy. 50 jastaǧy Anar Äubäkırova būl otany 3 jyl kütken. Oblysta jalpy aǧzany auystyrudy qajet etetın 160 adam bar eken. Kelesı ota küzde jasalmaq.
Aqmola oblysy
Öŋırde et öndırudı 3 myŋ tonnaǧa ūlǧaitu josparlanyp otyr. Jyl saiyn aqmolalyqtar 60 myŋ tonnadan astam et öndıredı. Sonyŋ 180 tonnasy eksportqa jatady. Aimaqta tört ırı et öŋdeu kombinaty jūmys ıstep jatyr.