Elordada «Ruhani jaŋǧyru» baǧdarlamasy aiasynda «Qazaqstannyŋ mädeni mūrasy älemıne saiahat» atty jaŋa joba qolǧa alyndy.
Jaŋa joba qazaqtyŋ mädeni mūrasyn saqtap, nasihattauǧa baǧyttalǧan. «Bügıngı şara «Ruhani jaŋǧyru» baǧdarlamasy aiasynda jüzege asyp jatyr. Osy baǧdarlama aiasynda qanşama asyl mūralarymyz tanylyp ta, tabylyp ta jür. Qazaq mädenietı ǧasyrlar boiy ūrpaqtar arasyndaǧy sabaqtastyqty jalǧastyryp keledı. 30 jylǧa juyq täuelsızdık tarihymyzda da ūlttyq qūndylyqtarymyz az därıptelıp jürgen joq. Jobanyŋ közdegenı – jas ūrpaqqa töl mädenietımızdı tanystyra otyryp, olardyŋ sanasyna ruhani jaŋǧyru kodyn sıŋıru. Jäne älemge qazaqstandyq mädeniettı jaŋa tūrpatta tanystyru. Joba aiasyndaǧy şaralardyŋ alǧaşqysy – bügıngı tūsaukeser. Odan ärı josparǧa türlı baǧyttaǧy tarihi-mädeni ıs-şaralar ūiymdastyrylady» dedı QR Tūŋǧyş Prezidentı kıtaphanasy direktorynyŋ orynbasary Botagöz Qaiypova. Onyŋ aituynşa, joba 1 jylǧa arnalǧan. Joba jetekşılerı ony Täuelsızdıktıŋ 30 jyldyǧyna deiın jalǧastyrudy oiymyzda bar». Belgılı bolǧandai, joba aiasynda elordalyq oquşylar tarihi-mädeni oryndarmen tanysyp, ǧylymi zertteuler jürgızedı. «Oquşylarǧa arnalǧan būl şaranyŋ basty maqsaty – oquşylardy tarihi jädıgerler men eskertkışter turaly tereŋ tanyp bılu men ony qūrmetteu. Sondai-aq el öŋırlerınıŋ mädenietımen tanysa otyryp, oqu-tanymdyq baǧdarlamalardy äzırleu. Joba 2019-2020 oqu jylyna arnalǧan. Bır jyl boiy oquşylardyŋ qatysuymen türlı baǧyttaǧy şaralar ūiymdastyrylady. Onyŋ ışınde, tanymal tūlǧalarmen kezdesu, ädebi keş, türlı baiqau jäne ǧylymi jobalar jazu. Sonymen qatar, körmeler men aşyq sabaqtar ötedı. Jobany Bılım basqarmasynyŋ bastamasymen qaladaǧy 5 mektep bırıgıp jüzege asyratyn bolamyz» dedı qalalyq №15 mektep-liseiı direktorynyŋ tärbie ısı jönındegı orynbasary Ǧaliia Omaşeva. Aita keteiık, «Qazaqstannyŋ mädeni mūrasy älemıne saiahat» atty jobaǧa qalanyŋ №15, 18, 19, 21, 35 mektep ūjymy men oquşylary qatysyp jatyr.
