Qazaqstanda Parlament Mäjılısı men mäslihat deputattarynyŋ kezektı sailauy 2021 jyly 10 qaŋtarda ötedı.
Sailau künı belsendı sailau qūqyǧyna ie, 18 jasqa tolǧan Qazaqstan azamattary öz taŋdauyn jasai alady. Dauys beru jergılıktı atqaruşy organdar sailau uchaskesınıŋ aumaǧynda tırkelgen tūrǧylyqty jerı boiynşa tūratyn sailauşylar tızımı boiynşa jüzege asyrylady. Sondyqtan özıŋızdıŋ sailau uchaskeŋızdı aldyn ala bılu maŋyzdy.
Mūny JSN, tegı, aty, äkesınıŋ atyn jäne tuǧan künı nemese sailauşy tırkelgen nysannyŋ (köşe, üi) mekenjaiyn körsete otyryp, tömendegıdei qyzmetter arqyly jüzege asyruǧa bolady:
1. Äkımdıktıŋ astana.gov.kz veb-portaly («astana.gov.kz/kz/polling/poisk-izbiratelnogo-uchastka» basty bette «Öz sailau uchaskeŋdı tap» bannerın basyŋyz);
2. Smart Astana mobildı qosymşasy («Qalalyq qyzmetter» bölımınde);
3. @smartastana_bot Telegram-boty arqyly («Qyzmetter» bölımınde).
Būl bailanys arnalary arqyly sailau uchaskesınıŋ nömırın, ortalyqtyŋ mekenjaiy men atauyn, sondai-aq kartada sailau uchaskesı ornalasqan jerdıŋ belgısın bıluge bolady.
Sondai-aq ǧalamtorǧa kıre almaityn adamdar üşın iKomek 109 bıryŋǧai bailanys ortalyǧy jūmys ısteidı. Osy telefon nömırıne qoŋyrau şalu arqyly azamattar öz uchaskesın taba alady.
Esterıŋızge sala keteiık, elordada sailau qarsaŋynda «Belsendı sailauşy» aksiiasy bastaldy, onyŋ nätijelerı 5 qaŋtarda şyǧarylady. Aksiia şarttaryna säikes, sailau uchaskelerın onlain-qyzmetter arqyly teksergen ärbır bes myŋynşy qoldanuşy estelık syilyqtarǧa ie bolady.