«Qysta qolaisyz, jazda – qauıptı»: Saryarqa audanynda qamys pen aramşöp şabu jūmystary bastaldy, dep habarlaidy astana-akshamy.kz
8 säuırden bastap kommunaldyq qyzmetkerler qamys pen aram şöptı şabuǧa kırıstı. Kündelıktı rejimde qūrǧaq ösımdıkter aula aumaqtarynda jäne bos jerlerden joiyluda. Bılım beru mekemelerı men basqa da äleumettık nysandar maŋyndaǧy uchaskelerge erekşe köŋıl bölınedı.
«Qatty ystyqta būl ösımdıkter tez tūtanady, al ot tez taraidy. Osy jaǧdailardyŋ aldyn-alu üşın bız kamysty joiu jūmystaryn bastadyq. Qazırgı uaqytta 5,4 gektardan astam jer oryldy», – dep atap öttı Saryarqa audany äkımı apparatynyŋ bas mamany Atajan Nūrbek.
Būl jūmystar qysqy mausymǧa deiın jalǧasady.
Sondai-aq, kommunaldyq qyzmet mamandary subūrqaqtardy qys ailarynda suyqtan qorǧaǧan konstruksiialardy bölşekteu jūmystaryn bastady. Qorǧanys jabyndaryn alyp tastaǧannan keiın mehanizmder kır men tottan tazalanady. Būdan ärı subūrqaqtardy tekserılıp, jöndeu-qalpyna keltıru jūmystary jürgızıledı.
Audandyq apparattyŋ balansynda 12 subūrqaq bar:
1. «Jastar teatry» subūrqaǧy;
2. «Ainalmaly şar» subūrqaǧy;
3. Atyrau subūrqaǧy;
4. «Äliia Moldaǧūlovanyŋ eskertkışı» subūrqaǧy;
5. «Aqjaiyq» saiabaǧyndaǧy subūrqaq.
6. Abai daŋǧ. – Jeltoqsan köşesı qiylysyndaǧy subūrqaq;
7. Mäskeu köşesındegı saiabaqtaǧy subūrqaq;
8. «Siren» subūrqaǧy
9. Subūrqaqtar kaskady.
10. Qalalyq alaŋdaǧy subūrqaq (qalalyq äkımdık ǧimaratynyŋ aldynda)
11. «Qazaq drama teatry» subūrqaǧy
12. «Ömır aǧaşy» subūrqaǧy
Subūrqaqtar 1 mamyrdan bastap jūmys ıstei bastaidy.
Qazırgı uaqytta, sondai-aq, aǧaş otyrǧyzu aldyndaǧy daiyndyq jūmystary belsendı jürude.
2024 jyly 10 700 jasyl jelek, sonyŋ ışınde köpjyldyq gülder, japyraqty jäne qylqan japyraqty aǧaştar otyrǧyzu josparlanǧan.
«Qazırgı uaqytta aǧaş otyrǧyzu aldyndaǧy daiyndyq jūmystaryn qarqyndy jürgızudemız. Sättı otyrǧyzudyŋ negızgı aspektılerınıŋ bırı – topyraqtyŋ jai-küiı. Ösımdıkterdıŋ damuy topyraqtyŋ sapasyna bailanysty ekenın tüsıne otyryp, ony aramşöpterden tazartudy, mineraldyq jäne organikalyq tyŋaitqyştardy jyrtudy jäne engızudı jüzege asyrudamyz. Odan bölek, otyrǧyzuǧa arnalǧan şūŋqyrlardy daiyndauǧa erekşe köŋıl bölemız. Ärbır şūŋqyrdyŋ jas aǧaştardyŋ ösuı men damuy üşın belgılı bır parametrlerı bar. Oǧan diametrı 60-80 sm jäne tereŋdıgı bır metrden säl az şūŋqyrlar daiyndalady. Bügın ärıptesterımızben daiyndyq jūmystarynyŋ oryndaluyn tekserdık jäne jasyl jelekterdı otyrǧyzu kezeŋınıŋ bastaluyna daiyn ekenımızge senımdımız. Aǧaş otyrǧyzu osy aptada bastau josparlanǧan», – deidı audan äkımı Bauyrjan Eraly.
