Qūrylys qoqystaryn zaŋsyz şyǧarǧan auyr jük kölıkterınıŋ jürgızuşılerıne aiyppūl salyndy, dep habarlaidy astana-akshamy.kz
«Almaty» audany äkımınıŋ tapsyrmasymen auyr jük kölıkterınıŋ jürgızuşılerı qūrylys qoqystaryn şyǧarǧandary üşın QR ÄQBtK-nıŋ 505-babynyŋ 1-bölıgı boiynşa 30 AEK kölemınde äkımşılık jauapkerşılıkke tartyldy, onyŋ somasy 55 380 teŋgenı qūraidy.
QŪRMETTI TŪRǦYNDAR!
Ärqaisymyz öz ortamyzdaǧy tärtıp pen tazalyqty saqtauda maŋyzdy röl atqaratynymyzdy este ūstaǧan jön.
Qaldyqtardy rūqsat etılmegen poligondarǧa şyǧaruǧa bailanysty zaŋ būzuşylyqtardyŋ kuägerı bolsaŋyzdar, beijai qaramaularyŋyzdy sūraimyz. Qūqyq būzuşylyqty suretke nemese beinege tüsırıŋız – būl maŋyzdy dälel bola alady jäne tergeu jürgızuge kömektesedı.
Barlyǧymyz üşın jaily jäne qauıpsız ömır süru ortasyn qūru üşın bırge jūmys ısteiık», – delıngen habarlamada.
