20 şıldede Astanada «Saiabaqtar şeruı» aksiiasy ötkızılmek. Osyǧan orai, şarany ūiymdastyruşy Studenttık qūrylys jäne «Jasyl el» jastar eŋbek jasaqtary ştabynyŋ töraǧasy Ädılbek Bektaşevty äŋgımege tartqan edık.
– Aksiianyŋ negızgı maqsaty qandai?
– «Saiabaqtar şeruı» – būl ekologiiany qorǧau aksiiasy. Onyŋ tarihy 1990 jyldary AQŞ-ta bastau alǧan. Ony 1995 jyldan Resei, Ukraina, Belorussiia, Armeniia, Qyrǧyzstan, Özbekstan, Täjıkstan jäne basqa da memleketterde jüielı türde ötkızu dästürge ainalǧan. Halyqaralyq aksiia adamdardy tabiǧatty aialauǧa, onyŋ qajettılıgın jete tüsınuge jäne jūrtty osy bastamaǧa ūiystyrudy közdeidı. Būl şara elımızde de jyl saiyn ūiymdastyrylady. Sonyŋ aiasynda türlı konferensiialar, senbılıkter, mektepterde tärbie saǧattary da ötedı.
– Al, sızder naqty qandai jūmys jürgızudı josparlap otyrsyzdar?
– Özderıŋız bıletındei, Ortalyq saiabaqqa kürdelı jöndeu jūmystary jürgızılude. Sondyqtan onda qūrylys materialdarynyŋ qaldyqtary barşylyq. Sondai-aq, Esıl jaǧajaiynda demaluşylar otyrǧan jerlerın jinamai, qanşama qoqys qaldyryp ketedı. Endıgı bızdıŋ maqsatymyz – sol saiabaqty tazartyp qana qoimai, adamdardy qorşaǧan ortasyna qamqor boluǧa ündeu. Öitkenı, saiabaq – qala tūrǧyndarynyŋ ortaq demalys orny.
– Ol ıske kımder jūmyldyrylmaq?
– Aksiiaǧa Jastar saiasaty mäselelerı basqarmasynyŋ qoldauymen «Jasyl el» eŋbek jasaǧy jäne öz qalauy boiynşa kelgen qala tūrǧyndary qatysady.
Mädina JAQYP
