Memleket basşysy Nūrsūltan Nazarbaevtyŋ el halqyna arnaǧan «Äleumettik-ekonomikalyq jaŋǧyrtu – Qazaqstan damuynyŋ basty baǧyty» atty biylǧy Joldauy qoǧamynyŋ bar salasyna serpin berip otyr. Astanada Elbasy Joldauynyŋ basym baǧyttaryn tüsindiru maqsatyndaǧy aqparattyq ügit-nasihat tobynyŋ jūmysy bastaldy. Toptyŋ halyqpen alǧaşqy kezdesui keşe «Qazaqstan» Ortalyq konsert zalynda ötti. Nasihatşylar tobyn Qarjy ministri Bolat Jämişev bastap keldi. Barlyǧy 10 baǧyttan tūratyn damu josparyn jinalǧandar jan-jaqty talqylady. Elordada eki kün boiy osyndai on toǧyz jiyn ötkizilmek.
Joldaudyŋ alǧaşqy baǧyty boiynşa «Jūmyspen qamtu–2020» baǧdarlamasyn iske asyruǧa 2011 jyly 37 mln 399 myŋdai qarjy jūmsalǧan edi. Aldaǧy atqarylar şarualarǧa biyl 62,3 mlrd teŋge bölinipti. Jūmysqa ornalasuǧa, qosymşa bilim aluǧa qajetti qūjattardyŋ tizbesi qysqartylatyn bolady.
Elbasy Ükimetke aǧymdaǧy jyldyŋ 1 şildesine deiin jaŋa «Qoljetimdi baspana – 2020» baǧdarlamasyn äzirlep, qabyldaudy tapsyrǧany belgili. Ministrdiŋ aituynşa, bügingi taŋda qarjylandyru jäne qūrylys kölemi jaiyndaǧy mäselelerdi äkimdikter pysyqtauda. Ūzaq jäne qysqa merzimdi jalǧa beru arqyly jas otbasylardy tūrǧyn üimen qamtamasyz etetin baǧdarlamanyŋ sūlbasy jasalyp jatyr.
Joldau jüktegen mindetke säikes alǧaşqy jartyjyldyqtyŋ aiaǧyna deiin bir salaly qalalardy damytu turaly arnaiy baǧdarlama qabyldanady.
Bolat Jämişovtiŋ aituynşa, 2012 jyly Astana, Almaty, Aqtau jäne Qaraǧandy qalalarynda mamandandyrylǧan HQKO-lardy qūruǧa 900 mln teŋge qarastyrylypty. Astanada mamandandyrylǧan HQKO 2012 jyldyŋ ekinşi toqsanynda aşylady. Onda jürgizuşiler kuäligin beru, kölikti tirkeu sekildi birneşe qyzmet türleri körsetiledi.
Joldaudaǧy qūqyq qorǧau organdarynyŋ qyzmetin jäne Qazaqstannyŋ sot jüiesin damytu tapsyrmasyna säikes qūqyq qorǧau organdaryndaǧy arnaiy şen men pogon taǧudy talap etpeitin lauazymdaǧy birqatar qyzmetkerlerdiŋ attestasiiasy qaitarylyp alynuy mümkin.
Bilim jäne ǧylym salasyndaǧy baqylau komiteti töraǧasynyŋ orynbasary Läzzat Bölebaeva halyqaralyq standarttan negizinde zamanaui ädister men tehnologiialardy oqu prosesine engizu, pedagogi-kalyq qūramnyŋ sapasyn köteru, jastar üşin bilim berudiŋ qoljetimdiligin keŋeitu maqsatyndaǧy jūmystar qolǧa alynyp jatqanyn jetkizdi.
Ädettegidei halyq tarapynan da talai saual qoiyldy.
«Şaǧyn käsipkerlikti damytu maqsatynda nesie alu üşin kepildeme qoiu mindetti me?». Būl – köptiŋ kökeiindegi saual. Qarjy ministri kepildeme qoiudyŋ mindetti ekenin aitty.
«Tek medisina men bilim salasy mamandaryna arnaiy memlekettik tūrǧyn üi baǧdarlamasyn jasap şyqsa qalai bolady?» Jiynǧa qatysuşylardyŋ biri osyndai ūsynys aitty. Ministrdiŋ jauaby qysqa boldy: «Zaŋ aldynda Qazaqstannyŋ bar azamaty birdei. Demek, tūrǧyn üige qatysty baǧdarlama da ortaq. Zaŋǧa baǧynu kerek. Eşkim zaŋ şeŋberinen şyǧyp äreket ete almaidy».
Tehnikalyq jäne qyzmet körsetu kadrlaryn daiarlau, käsiptik bilimdi damytu maqsatyndaǧy Qazaqstan-Norveg jobasy aiasynda bilim alǧandar arasynda jūmyssyzdyq qamytyn kigenderi de bar körinedi. Mäseleni Bilim Ministrligi qarauǧa alatyn boldy.
Äleumettiŋ osy tärizdi san saualyna aqparattyq top tarapynan tolyqtai jauap berildi.
Elordada eki kün boiy osyndai on toǧyz jiyn ötkizilu josparlanyp otyr.
Şynar DOSAN