Serık ŞALDANBAEV, Astana qalasy IID Kadr jūmysy basqarmasynyŋ bastyǧy: POLİSEILER SYNAQQA SAQADAI SAI

Elbasy tapsyrmasyna säikes, ışkı ıster organdary qyzmetkerlerın kezekten tys attestattau kezeŋ-kezeŋımen jüzege asyryluda. Osy rette elordalyq poliseilerdıŋ synaqqa daiyndyǧy turaly Astana qalalyq Işkı ıster departamentınıŋ Kadr jūmysy basqarmasynyŋ bastyǧy Serık Şaldanbaev aityp berdı.

– Astanalyq poliseilerdıŋ attestattaudan ötuge daiyndyǧy qalai?
– Jaqynda departament bastyǧy Amantai Äubäkırov osy attestattau mäselesıne bailanysty qūrylym jäne kadr basşylarynyŋ qatysuymen keŋes ötkızdı. Jalpy jeke qūramdy attestattau belgılengen tärtıp şeŋberınde oryndalady. Jūmystyŋ jos-pary üilestırılıp, jeke qūramnyŋ syzbasy men kestesı belgılendı. Bır sözben aitqanda, qyzmetkerler synaqtan ötuge saqadai sai.
– Synaqtyŋ ädıl ötuın qadaǧalaityn komissiia qūramyna kımder kıredı?
– Baqylau komissiiasynyŋ qūramyna qauıpsızdık qyzmetkerlerı, zaŋ jäne kadr qyzmetı, ardagerler ūiymy jäne qoǧamnyŋ basqa da ökılderı kıretın bolady. Bügınde qūrylymdarda äskeri jäne qyzmettık daiyndyqtar turaly tüsındıru jūmystary ūiymdastyrylyp, attestattaudyŋ tärtıbı turaly aqparattyq taqtalar ornatyldy. Test ötkızuge arnalǧan arnaiy kompiuterlık synyptar jabdyqtalyp, tirlerge beinebaqylau kameralary qoiyldy.
– Al, qyzmetkerlerge synaq kezınde qandai talaptar qoiylady?
– Synaq kezınde organ qyzmetkerlerı kompiuterlık test boiynşa qoldanystaǧy zaŋdar turaly bılımın ortaǧa salady. Olardyŋ logikalyq oilau qabıletı tekserıledı. Dene şynyqtyru jäne äskeri daiyndyqtan normativter tapsyrady. Sondai-aq, psihologiialyq paiymy boiynşa jeke äŋgımelesuden ötedı.
– Eger qyzmetker belgılengen normativtıŋ bırın de tapsyra almasa, qandai şara qoldanylady?
– Eger ondai jaǧdai tırkelse, būl jönınde attestattau komissiiasynyŋ arnaiy otyrysynda qaralyp, şeşım qabyldanatyn bolady.
– Būl synaqtan kımder bosatyldy?
– Aiaǧy auyr qyzmetkerler men bala kütımıne bailanysty demalystaǧy äielder synaq tapsyrmaidy.
– Synaq künı kele almaǧan qyzmetkerdıŋ jaiy qandai bolmaq?
– Eger asa maŋyzdy sebepterge bailanysty sol künı synaq tapsyruǧa kele almaǧan qyzmetker komissiianyŋ qatysuymen äŋgımelesuden ötedı. Ol belgılengen keste boiynşa jürgızıledı. Mūndai qyzmetkerler 30 jeltoqsanǧa deiın synaq tapsyruy tiıs. Synaqqa sebepsız qatyspaǧandardyŋ la-uazymy, şenı tömendetılıp, basqa qyzmetke auystyrylady. Al, komissiia otyrysyna ekı märte sebepsız kelmegender ışkı ıster oryndarynan bırjolata alastatylady.

Gülmira AIMAǦANBET