Osy aptada otandyq aqparat qūraldarynyŋ qataryna saiasi salmaǧy basym sait qosyldy.
Jaŋa portaldyŋ maqsaty – «Qazaqstan-2050: qalyptasqan memlekettıŋ jaŋa saiasi baǧyty» strategiiasynyŋ jüzege asyrylu barysy turaly jedel aqparattar men ekskliuzivtı taldaulardyŋ qainar közın qūru. İnteraktivtı veb-portaldyŋ tanystyrylymynda belgılı bolǧandai kün saiyn mūnda Strategiianyŋ jüzege asu barysy turaly şamamen 40 aqparattyq jäne taldau materialdary, sondai-aq jeke video, fotomaterialdar ornalastyru josparlanuda.
Sübelı söz
Arman QYRYQBAEV,
QR Mädeniet jäne aqparat vise-ministrı:
– Elbasynyŋ el aldyna qoiǧan talaptaryn oryndau üşın, ortaq maqsattarǧa jetu üşın aianbai qyzmet etu kerek. Ol qyzmettıŋ qalai jasalyp jatqandyǧyn halyq «Strategiia-2050» saity arqyly bılıp otyruy tiıs. Portaldyŋ erekşelıgı – ortalyq memlekettık organdar deŋgeiınde atqarylyp jatqan jūmystardy ǧana emes, sonymen qatar aimaqtarda ne bolyp jatqanynan da habardar etetın bolady.