Nūr-Sūltan qalasynda soŋǧy uaqytta künnıŋ kürt jylynuynan sıresken qar suǧa ainalyp, keibır köşelerde kölşıkter paida boluda. Qalanyŋ kommunaldyq qyzmetterı qardy damylsyz şyǧaryp jatqanymen, ainalamyz älı aq kiız qūrsauynda. Är mezgıl mınezıne qarai äreket kütedı. Sondyqtan köktemgı su tasqynyna qarsy daiyndyq barysy elorda tūrǧyndaryn tolǧandyrary sözsız.
Beisenbı künı elorda äkımdıgınıŋ baspasöz qyzmetı alaŋynda Nūr-Sūltan qalasy Tötenşe jaǧdailar departamentınıŋ basqarma bastyǧy B.Beisenqanovtyŋ qatysuymen brifing ötıp, qala aumaǧyndaǧy köktemgı tasqyn sulardy ötkızuge qyzmetterdıŋ daiyndyq barysy turaly baiandaldy.
Bauyrjan Beisenqanovtyŋ aituynşa, biylǧy su tasqyny kezeŋıne daiyndyq şeŋberınde jäne köktem mezgılındegı tötenşe jaǧdailar jedel den qoiu üşın Nūr-Sūltan qalasynda qūramynda 2987 adamy bar jeke qūram men 578 bırlık tehnika tosyn jaǧdaiǧa saqadai sai. Su tasqyny qaupın boldyrmau maqsatynda atalǧan departament 2022 jylǧy köktemgı tasqyn sulardy ötkızuge daiyndyq boiynşa keşendı ıs-şaralar josparyn äzırlegen. Ärbır qadam qala äkımınıŋ orynbasary bekıtken josparǧa sai jasalmaq.
Joǧaryda aitqan 25 su tasqyny qaupı bar uchaskede injenerlık jäne su soru tehnikalary bekıtılgen. Jeke qūramnan 149 adam, 99 bırlık tehnika, 34
motopompa men 2 qaiyq tasqynǧa qarsy şaralarǧa daiyn
Būl josparda qaladaǧy memlekettık organdary men ūiymdarynyŋ bögetterdı, köpırler men özen arnalaryn, gidrotehnikalyq qūrylystardyŋ daiyndyqtaryn tekseruın, jaǧalaudy bekıtu jūmystaryn jürgızıp, aryq-naua jelısı men nöser-kärız jüiesın tazartu, qala aumaǧyndaǧy qardy uaqytyly tysqa şyǧaru sekıldı şaralardy qabyldau qamtylǧan.
Qazırgı ahualǧa bailanysty şahar äkımdıgı men departament uaqytyly qar tazalaudy erekşe baqylauǧa alyp otyr. Äsırese su tasqyny tuyndau qaupı bar 25 orynda osy jūmystar jıtı nazarǧa alynǧan. Biyl qala syrtyndaǧy 7 qar poligonyna 3,5 million tekşe metr qar şyǧarylǧan. Ol üşın 1000-nan astam arnaiy tehnika, 1800-den astam jūmysşy jūmyldyrylyp, täulık boiy tynymsyz eŋbek ettı.
Būl baǧyttaǧy şarualar jalǧasa bermek. Jeke sektorlarda tūratyndar üşın erıktı jastardyŋ kömegımen eskertpe qaǧazdar taratylyp, olardan auladaǧy jäne şatyrdaǧy qardy kürep, köşege şyǧaru sūraldy. Onymen qosa su basudyŋ aldyn alu şaralarynyŋ bırı aryq-naua jüielerın tazalau jäne bulau boiynşa jūmystar jürgızu kerek. Departament ūsynǧan soŋǧy derekter boiynşa, astanada jalpy ūzyndyǧy 53,7 şaqyrymdy qūraityn 16 myŋ metrge juyq aryq-naua jelısı tazartylǧan.
Qajettı kezde qareket jasau maqsatynda «Astana Tazalyq» JŞS bazasynda 10 myŋ tekşe metrden köp qūm jäne 2 myŋ tekşe metr ūsaq tas inerttı materialdarmen daiarlanǧan. Joǧaryda aitqan 25 su tasqyny qaupı bar uchaskede injenerlık jäne su soru tehnikalary bekıtılgen. Jeke qūramnan 149 adam, 99 bırlık tehnika, 34 motopompa men 2 qaiyq tasqynǧa qarsy şaralarǧa daiyn.
Qar köp erıgen kezde bırneşe erejelerdı este saqtaǧan jön. Üi aumaǧyndaǧy qardy köşege deiın şyǧaru, üiden aǧyndy aryqtarǧa nemese su ötkızu qūbyrlaryna su būrudy ūiymdastyru, aldyn ala su aidaityn qūraldardy, tūrmystyq elektr sorǧylardy, şelekterdı, kürekterdı qarastyryp qoiǧan jön. Tūrǧyndardan su basu jaǧdailarynda «112» nömırı boiynşa qūtqaru qyzmetıne habarlauyn sūraimyz, – deidı azamattyq qorǧau podpolkovnigı B.Beisenqanov.
Baijan EMBERDI
