Astana qalasynyŋ Esıl audandyq IIB bastyǧy Serık Äbutälıpov özı basqaratyn aumaqtyŋ jaǧdaiyn baiandai kele, jarty jyl boiy atqarǧan jūmystardyŋ esebın berdı.
Bügınde profilaktikalyq esepke audan boiynşa 140 adam alynǧan. Uchaskelık inspektorlar olardy mekenjai boiynşa ärdaiym tekserıp tūrady. Sonymen qatar, juyrda ötken reid kezınde Esıl audanynda päterın jalǧa beretın 550 adam anyqtalyp, onyŋ 328-ı zaŋdylyǧyn tekseru üşın salyq organdaryna ūsynys retınde joldanǧan.
Jalpy, 2016 jyldyŋ jarty jyldyǧynda jergılıktı polisiia qyzmetkerlerımen 8 250 äkımşılık tärtıp būzuşylyq anyqtalǧan. Onyŋ ışınde ūsaq būzuşylyqpen 572 tūlǧa äkımşılık jazaǧa tartylyp, 104 tūlǧa äkımşılık qamauǧa alynǧan eken. Tynyştyqty būzu – 662, qoǧamdyq orynda spirttık ışımdık ışu – 640, belgılenbegen orynda temekı şegu – 369, belgılenbegen orynda sauda jasau – 179, qalanyŋ abattandyru erejesın būzu– 1919 jäne basqa da tärtıp būzudyŋ 3909 deregı tırkelgen. Jalpy 34 mln 603 myŋ 814 teŋge aiyppūl salynyp, onyŋ 17 mln 129 myŋ 534 teŋgesı öndırılgen.
– Tärtıp būzuşylyq pen qylmys jiı bolatyn kriminogendı jerlerde, atap aitqanda «Prigorodnyi», «Zarechnyi», «Polet», «Zapadnyi» audandarynda apta saiyn jedel profilaktikalyq şaralar jürgızılude. Sondai-aq, polisiia jasaqtaryn qaita ornalastyru, patruldık baǧyttarda tüzetu men özgerıster engızılude. Sonymen qatar, keler jyly älem nazaryn audaratyn «EKSPO-2017» körmesın ötkızuge daiyndyq barysynda laiyqty deŋgeide qoǧamdyq tärtıp pen azamattardyŋ qauıpsızdıgın qamtamasyz etu maqsatynda bırqatar şaralar josparly türde jüzege asyryluda. Osy baǧytta aǧymdaǧy jyldyŋ ekınşı jarty jyldyǧynda tūrǧyndar men polisiia arasynda tyǧyz qarym-qatynasty nyǧaitu maqsatynda köpqabatty tūrǧyn üi keşenderınde, aulalarda tūrǧyndarmen kezdesu jiyndaryn ötkızudı jalǧastyramyz, – deidı S.Äbutälıpov.
Gülmira ŞARHANQYZY
