Elordada köpbalaly analarǧa arnalǧan qoldanbaly öner men qolöner şeberlıgın tegın oqytu seminaryna qatysuşylardy marapattau räsımı öttı. Şara barysynda Nūr-Sūltan qalasy äkımınıŋ orynbasary Erlan Kanalimov analarǧa 50 tıgın maşinasyn tapsyrdy.
Atalmyş seminardy tanymal etnodizainer Yrza Tūrsynzada bastaǧan osy salanyŋ käsıbi mamandary jürgızdı.
– «Asyl ana» jobasy bırneşe kezeŋnen tūrady. Onyŋ ärqaisysy analardyŋ äleuetın jan-jaqty aşuǧa baǧyttaldy. Seminar kezınde köpbalaly analar arnaiy tapsyrmalardy oryndap, bos oryndar järmeŋkesıne qatysty. Qala künı merekesı qarsaŋynda «Asyl ana» baiqauy ötedı. Oǧan şeberlık sabaǧynan ötken köpbalaly analar qatysady. Olar qajettı materialdarmen, tıgın maşinalarymen qamtamasyz etıletın bolady. Baiqauǧa analar öz qoldarymen jasalǧan būiymdaryn ūsynyp, būl būiymdardyŋ barlyǧy arnaiy ülken körmege qoiylady. Jeŋımpazdar diplomdarmen jäne jobany qoldaǧan mesenattar, demeuşıler taǧaiyndaǧan baǧaly syilyqtarmen marapattalady, – dedı E.Kanalimov.
Onyŋ aituynşa, jobanyŋ soŋǧy kezeŋınde «Asyl ana» köpbalaly analardy qoldau ortalyǧyn qūru josparlanyp otyr. Onda analarǧa qūqyqtyq, psihologiialyq, käsıbi keŋester berıledı. Ortalyqtyŋ taǧy bır erekşe qyzmetı analarǧa jūmysqa tūruǧa kömektesedı. Būǧan qosa, analardyŋ bala kütuıne yŋǧaily boluy üşın şaǧyn balabaqşa ūiymdastyrylatyn bolady.
