Qazaqstan Respublikasy Konstitusiiasynyŋ 27-babynda: «Neke men otbasy, ana men bala memlekettıŋ qorǧauynda bolady. Balalaryna qamqorlyq jasau jäne olardy tärbieleu – ata-ananyŋ etene qūqyǧy ärı mındetı» delıngen.
Älmisaqtan aqiqat: ata-anaǧa, Otanǧa, qorşaǧan ortaǧa degen süiıspenşılık otbasynan bastalady. Tuǧan şaŋyraqtan alǧan tärbie – būl barşa halqymyzdyŋ baquatty da tabysty bolaşaǧynyŋ kepılı. Sondyqtan, otbasy qūqynyŋ maŋyzy zor. Är şaŋyraq belgılı dästürlerdıŋ, jaǧymdy önegelerdıŋ, mūralar men men salt-dästürlerdıŋ saqtauşysy deitın bolsaq, ondaǧy tälım-tärbie – jalpy mädeniettıŋ, etikanyŋ bastau bölıgı.
Qazaqstan Respublikasynyŋ neke jäne otbasyna qatysty qūqyqtyq ūstanymynyŋ negızderı men közqarasy Qazaqstan Respublikasynyŋ Konstitusiiasyna, «Neke (erlı-zaiyptylyq) jäne otbasy» turaly kodekske jäne özge de normativtık-qūqyqtyq aktılerge negızdeledı. Osy oraida elorda azamattarynyŋ zaŋdy qūjattarynyŋ boluyn qamtamasyz etuge, olardyŋ konstitusiialyq qūqylary men bostandyqtaryn qorǧauda negızgı jauapkerşılık audandyq azamattyq hal aktılerın tırkeu organdaryna jükteledı. Sebebı, adam balasy jaryq dünie esıgın aşqan sätten bastap onyŋ azamattyq qūqy qūjat aludan bastalady. Azamattyq hal aktılerı jazbalary – qūzırettı organnyŋ uaqiǧalar men äreketter tüpnūsqasyn kuälandyru maqsatyndaǧy jazbaşa maǧlūmattar. Otbasylyq qūndylyqtardy, egız, üşem balalardy tırkeu, ūlttyq dästür boiynşa tegın auystyru, ūlttyq dästür boiynşa jaŋa tuǧan balaǧa äkesınıŋ ne atasynyŋ atyn beru, saltanatty türde jas-jūbailardyŋ nekesın qiiudy nasihattau – bızdıŋ basty mındetterımızdıŋ bırı.
Elımızde Otbasy künı bekıtılgennen berı elordamyzda jiyrma üş myŋnan astam bala düniege kelıp, toǧyz myŋnan astam neke tırkelıptı. Būl degenımız – otbasylyq demografiialyq saiasattyŋ dūrystyǧynyŋ, halqymyzdyŋ äl-auqatynyŋ artqandyǧynyŋ dälelı.
Baqytjamal BAZARBAEVA,
Esıl audandyq ädılet basqarmasy AHAT bölımınıŋ basşysy
