ŪLTTYQ EKONOMİKANYŊ ŪPAIY TÜGENDELEDI
QR Ūlttyq ekonomika ministrı Erbolat Dosaev «Nūrly jol – bolaşaqqa bastar jol» atty Elbasynyŋ Joldauyna arnalǧan vedomstvo alqasynyŋ otyrysynda ministrlıktıŋ alda atqaratyn qyzmetterıne toqtaldy. Onyŋ aituynşa, jaqyn uaqytta QR Ūlttyq ekonomika ministrlıgı 2015-2019 jyldarǧa arnalǧan infraqūrylymdyq damu jönındegı memlekettık baǧdarlama jobasyn äzırlep, Memleket basşysynyŋ qarauyna jıberetın boldy.
Ministr ūjym aldynda jasaǧan baiandamasynda Joldaudaǧy naqty jobalar jäne olarǧa qajettı kölemdegı qarajat közderı belgılengenın aityp, jaŋa ekonomikalyq saiasat kontrsikldı bolatynyn jetkızdı. Iаǧni, būl degenımız – ekonomikalyq baiaulau kezeŋderınde memlekettık şyǧystardy ösırudı jäne joǧary ekonomikalyq belsendılık kezeŋderınde memlekettık şyǧystardy tejeu.
«Jaŋa ekonomikalyq saiasat ekonomikamyzdaǧy qūrylymdyq reformalardy jalǧastyruǧa baǧyttalatyn bolady. Būl bäsekege qabılettılıktı, önımdılıktı arttyru, ekonomikanyŋ qūrylymyn jäne onyŋ jaŋa tauarlar şyǧaru men qyzmetter ūsynu qabıletın jaqsartudy bıldıredı. Sondyqtan, Ūlttyq qordyŋ jaŋa investisiialary ekonomikany odan ärı jaŋartuǧa baǧyttalady. Eŋ aldymen, būl – kölık, energetika, industriialyq jäne äleumettık infraqūrylymdy, şaǧyn jäne orta biznestı damytu» dep tüsındırdı Erbolat Dosaev.
Sonymen qatar, ol QR Ūlttyq ekonomika ministrlıgı Elbasynyŋ «Nūrly jol – bolaşaqqa bastar jol» Joldauyn merzımınde ıske asyru maqsatynda 25 şaradan tūratyn jalpyūlttyq jospar daiyndaǧandyǧy jönınde mälımdedı.
«Būl qūjat Joldaudy ıske asyru boiynşa alǧyşarttardy qabyldaudy qarastyrady. Onyŋ ışınde 2015-2019 jyldarǧa arnalǧan infraqūrylymdyq damudyŋ memlekettık baǧdarlamasyn daiyndau jaǧy özektı taqyryp bolmaq. Ol ministrlık tarapynan daiyndaluy tiıs» dedı ministr.
Vedomstvonyŋ mälımetınşe, memlekettık baǧdarlama Memleket basşysynyŋ Joldauynda aitylǧan negızgı 7 baǧytty qamtyǧan. Olardyŋ ışıne eldıŋ kölıktık-logistikalyq, industriialdyq jäne turizm, energetikalyq infraqūrylymdaryn damytumen qatar tūrǧyn-üi kommunaldyq şaruaşylyǧyn, su jäne jylumen qamtamasyz etu jelılerın jaŋǧyrtu, tūrǧyn-üi infraqūrylymyn nyǧaitu,
äleumettık infraqūrylymdy damytu, şaǧyn jäne orta biznestı, sondai-aq, ıskerlık belsendılıktı qoldau kıredı.
Ūlttyq ekonomika ministrınıŋ aituynşa, ärbır baǧyt boiynşa memlekettık baǧdarlama jobasynda arnaiy bölımder men olardyŋ negızgı tetıkterı, qarjy instrumentterı jäne jobalardyŋ ıske asyrylu merzımderı naqtylanǧan. Al memlekettık baǧdarlama jobasy osy aidyŋ soŋyna deiın Elbasynyŋ qarauyna jıberıledı.
«Nūrly jol» jaŋa ekonomikalyq saiasatyn ıske asyru üşın 2015 jyldan bastap 2017 jyldary aralyǧynda Ūlttyq qordan jyl saiyn 3 millard dollar bölınedı.
Nūrislam Qūspanǧali