İä, dünieden taǧy bır jaqsy adam öttı. Ol – belgılı jurnalist, aqjarqyn azamat Aitqadyr Tıleuov.
Aitqadyr Şämşıūly – ūlt ūiasy atanǧan Ūlytaudyŋ perzentı. Jasynan qart äke-şeşenıŋ qazaqy tärbiesın boiyna sıŋırıp ösken bala alǧyr jıgıt bolyp erjetedı. Almatydaǧy äl-Farabi atyndaǧy Qazaq memlekettık ūlttyq universitetınıŋ jurnalistika fakultetıne oquǧa tüstı. Ony oidaǧydai tämamdaǧannan keiın tuǧan jerıne oralyp, Jezqazǧan radiosynda, oblystyq telearnada qyzmet ıstedı. Qatardaǧy tılşıden redaktorlyq deŋgeige köterıldı. Öŋırdıŋ özektı mäselelerın qozǧap, jūrtqa aty tanyldy. Eldıŋ bas ordasy Almatydan Arqaǧa qonys audarǧanda, Aitqadyr da Jezqazǧannan Aqmolaǧa taban tıredı. Bügıngı «Astana aqşamy» gazetıne jūmysqa ornalasty. Basylymnyŋ ekonomika bölımınıŋ meŋgeruşısı boldy. Jaŋa şaŋyraq tıktep jatqan bas qalanyŋ tynys-tırşılıgın qara sözben ördı. Alty jyl boiy osy gazette taban audarmai eŋbek etıp, qalamy jüirık jurnaliske ainaldy. Keiıngı jyldary syrqattanyp jürse de Ükımettıŋ baspasöz qyzmetınde, respublikalyq «Saqşy» gazetınde abyroily qyzmet atqardy.
Aitqadyrdyŋ bolmysy da bekzat edı. Naǧyz qazaqtyŋ syrbaz azamaty bolatyn. Ülkenge de kışıge baiypty mınezımen jany jaqyn tamyrlas, eldes bola bıldı. Ülgılı otbasynyŋ iesı, ekı ūlynyŋ janaşyr äkesı, nemerelerınıŋ ardaqty atasy edı. Amal ne… halqymyz «Jazmyştan ozmyş joq» dep beker aitpaǧan. Baqūl bol, asyl azamat!
