Ynta bolsa, jūmys bar

Astana qalasy Jūmyspen qamtu ortalyǧynyŋ taǧy üş ökıldıgı aşyldy. Būl punktter «Arujan», «Rahmet» jäne «Astyqjan» sauda üilerınde ornalasqan. Jūmysqa ornalasuǧa järdemdesetın jaŋa punktterdıŋ jūmysymen bız de tanysyp qaitqan edık.

Bos oryn – 3 myŋ

Sauda üilerdıŋ bırınşı qabatynda oryn tepken mobil­dı ökıldık şaǧyn kabinetke ūqsaidy. Keluşılerdı mūnda Jūmyspen qamtu ortalyǧynyŋ mamany qa­byl­­daidy. Onyŋ qolynda Astanadaǧy bos jūmys oryn­­­darynyŋ bazasy bar. Tızımdegı vakansiia sany bü­gınde üş myŋnan asady. Özıne qajettı mamandyq boiynşa jūmystyŋ bar-joǧyn kez kelgen adam bıle alady. Osy jerde jūmysqa joldama da berıledı. Jūmyspen qamtu ortalyǧynyŋ direktory Oljas Omardyŋ aituynşa, qoǧamdyq oryndardaǧy būl punktter jetı kün boiy saǧat taŋǧy 10.00-den sauda orny jabylǧanşa deiın aşyq tūrady. Astanalyqtar mamandar kömegıne tüskı üzılıs kezınde de jügıne alady.
– Būl joba jūmys ız­dep tabudyŋ maşaqatyn jeŋıldetudı közdeidı. Halyq qarasy köp jinalatyn jerde ökıldık qūrudyŋ tiımdılıgı zor. Ony täjıribe körsetıp otyr. Mäselen, būdan būryn däl osyndai ökıldıkterdı bız «Astanalyq» bazary men «Güljan» SÜ-de aştyq. Statistika boiynşa ekeuıne jyl basynan berı 1 834 adam kelgen. Onyŋ 355-ı tūraqty jūmysqa ornalastyryldy, 72-sı jastar praktikasyna jıberıldı. 44 adam käsıbi oqytu jäne qaita daiarlau kurstaryna jazylyp ülgerdı, – deidı Astana qalasy Jūmyspen qamtu ortalyǧynyŋ direktory Oljas Omar.

Izdegenge jūmys tabylady

Aşylǧanyna bırer kün ǧana bolǧan jaŋa ökıldıkterge qyzyǧuşylyq tanytqandar az emes. «Jūmys ızdep jürsıŋ be? Sūranysqa ie mamandyq iesı bolǧyŋ kele me? Jastar täjıribesınen ötkıŋ kele me? Käsıptık baǧyt-baǧdar aludy qalaisyŋ ba? Äleumettık jūmys oryndary turaly ne bılesıŋ? Bızge kel!» degen jazu­lar alystan köz tartady. Düken aralap jürgenderdıŋ özı erıksız toqtap, mobildı punkt qyzmetımen tanysyp jatty.
«Janynan ötıp bara jat­qan soŋ soǧa kettım. Negı­zı jūmysym bar. Bırneşe ai boiy jūmyssyz jürgen bır-ekı tanysym esıme tüsıp, esepşı, mūǧalım maman­dyq­tary boiynşa bos oryn­­dardy sūramaqşy bol­­dym. Qyzmetker maǧan qan­şama mekemenıŋ, mektep, kolledjderdıŋ atyn atai bastady. Taŋǧaldym. Astanada jūmys jetedı eken ǧoi… » deidı Aijan esımdı boijetken.
Al özın Arailym Kamalieva dep tanystyrǧan azamatşa keŋse qyzmetkerı, menedjer, ıs jürgızuşı sekıl­dı jūmysqa ornalassam deidı. Ol Jūmyspen qamtu ortalyǧynyŋ mamany Dinara Şerhan bergen saualnamany toltyra bastady. Bılım deŋgeiı – joǧary, diplom boiynşa mamandyǧy – ekolog. 10 jyldan artyq polisiia qyzmetınde jūmys ıstegen eken. Ortalyq mamany Arailymnyŋ sūrauyna säikes keletın bırneşe jūmys tauyp, özı taŋdaǧan jerıne joldama jazyp ber­dı. Öitkenı jūmys tappai jürgen adamdar endıgı kezekte tiıstı oryndardy taŋdap-talǧauǧa mümkındıgı bar eken. Keibıreuler üiınıŋ janynan jūmys tapqysy keledı, endı bırı jūmys kestesı jarty kün bolǧanyn qalaidy. Ärine, «ekı qolǧa bır kürek tabylsa şükır» dep, kez kelgen jūmysty mıse tūtatyndar da joq emes.
«Bız tūraqty qoǧamdyq jūmystardy ǧana ūsynamyz. Jūmys ızdeuşılerdıŋ qa­lauyna döp kelse, bırden joldama jazyp beremız. Joǧary bılımı bar, diplom alǧanyna üş jyldan aspaǧan, jūmyssyz jürgen tülekterge «Jastar täjıribesınen» ötuge keŋes beremız. Mäselen, bügın ǧana Qazaq gumanitarlyq zaŋ universitetınıŋ tüle­gı jolyqty. Zaŋger maman­dyǧy boiynşa jastar täjıri­besınen ötuge oryn bar ekenın aityp, Jūmyspen qamtu ortalyǧyna jıberdım» deidı jūmyspen qamtu bölımınıŋ qyzmetkerı Dinara Şerhan.
Onyŋ aituynşa, bügınde «EKSPO-2017: Bo­laşaq energiiasy» halyqaralyq mamandandyrylǧan körme­sınıŋ qarsaŋynda jūmyssyz azamattar üşın «gid-eks­kursiia jetekşısı» maman­dyǧy boiynşa qaita daiarlau kursyna jazylu jürıp jatyr. Oǧan aǧylşyn tılın jetık meŋgergen, orta-arnauly nemese joǧary bılımı jäne tūraqty qalalyq tırkeuı bar adamdar qatysa alady.

Kömegı köp ortalyqtar

Jalpy, qazırgı taŋda elordada Jūmyspen qamtu ortalyǧynyŋ 5 ökıldıgı bar. «Jūmyspen qamtu-2020 jol kartasy» baǧdarlamasy aiasyndaǧy belsendı şaralardy qoldanu nätijesınde Astana qalasyndaǧy jūmyssyzdyq deŋgeiı Qazaqstan boiynşa eŋ tömengı – 4,7% körsetkışın saqtap tūr.
– Jyl basynan berı 8 897 adam Jūmyspen qamtu orta­lyǧynyŋ köme­gıne jügın­dı. Olardyŋ 6 404-ı jūmyspen qamtylyp otyr. 474 adam jastar täjıribesıne jıberılıp, olardyn 300-ı alǧaşqy täjıribesın jinaqtap, 180-ı jūmysqa qabyldanyp qoidy. Iаǧni, jastar täjıribesın tämamdaǧandardyŋ 60%-y tūraq­ty jūmysqa ornalasqan.
Al «Aumaqtardy damytu» baǧdar­lamasy boiynşa 442 adam mamandardy daiarlau jäne qaita daiarlau qysqa merzımdı tegın kurstarǧa qatysyp, qazırgı taŋda olardyŋ 314-ı atalǧan kurstardy tämamdap, sūranysqa ie – elektrik, aspaz, şaştaraz, tıgınşı, kran maşinisı, daiaşy, konditer, elektrgazdänekerleuşı siiaqty mamandyqtardy igergen. Mamandardy daiarlau jäne qaita daiarlaumen biyl «Isker» JŞS biznes akademiiasy, «Spesialist» oqu-öndırıstık ortalyǧy» mekemesınıŋ ökıldıgı jäne «Aqmola oqytu-kurstyq kombinat» JŞS-ı ainalysuda, – deidı qalalyq Jūmyspen qamtu ortalyǧynyŋ direktory Oljas Omar.
Osy derekterdıŋ bärı Asta­na­­­­­­da­­ǧy jūmyssyzdyqty jü­gendei­tın jūmystardyŋ belsendılıgın dä­leldeidı. Jaŋadan aşylǧan jūmysqa ornalastyrudyŋ mobildı punktterı bolaşaqta jaqsy nätije beredı degen senımımız mol. Bız barǧan künnıŋ özınde 3 ökıldıkke 200-ge juyq adam bas sūǧyp, jūmysqa ornalasu mäselelerı boiynşa memleket tarapynan järdemdesudıŋ bel­sendı şaralary turaly keŋes aldy. Bar bolǧany jeke kuälık pen eŋbek etuge degen ynta bolsa jetkılıktı.

Mädina JAQYP