Astana qalasynda üş kün būryn bastalǧan «Ädılet organdary keŋes beredı» atty respublikalyq aksiia keşe märesıne jettı. Tūrǧyndardyŋ qūqyqtyq sauatyn arttyruǧa baǧyttalǧan şara jönınde qalalyq Ädılet departamentınıŋ qyzmetkerı Almas Ermekov äŋgımelep berdı.
– Aksiia aiasynda ötken şaralarǧa kımder tartyldy?
– Tegın zaŋgerlık kömek körsetu şarasyna departamenttıŋ jauapty qyzmetkerlerı, memlekettık organdardyŋ zaŋgerlerı jäne qalalyq Notariattyq palata men advokattar alqasynyŋ ökılderı qatysty. Sonymen qatar audandyq ädılet basqarmalarynyŋ, jyljymaityn mülık ortalyǧynyŋ, Sot aktılerın oryndau departamentınıŋ, IID Köşı-qon basqarmasynyŋ jäne elorda äkımdıgınıŋ qūrylymdyq bölımşelerınıŋ ökılderınen jasaqtalǧan aqparattyq-nasihat toptary Küigenjar kentınde, Almaty audanynyŋ №2 halyqqa qyzmet körsetu ortalyǧynda keŋester berdı. Aksiia aiasynda zaŋgerler qaladaǧy käsıptık-tehnikalyq kolledj studentterımen, ES-166/22 tüzeu mekemesındegı sottalǧandarmen jüzdestı.
– Şara barysynda astanalyqtar tarapynan qandai sūraqtar jiı qoiyldy eken?
– Negızınen, mūragerler arasynda jyljymaityn mülıktı bölu, zaŋdy tūlǧany qaita tırkeu jäne ony basqa tūlǧaǧa beru, memlekettık tūrǧyn üi qorynan baspana alu tärtıbı, halyqty jūmyspen qamtu baǧdarlamasyna qatysu tärtıbı turaly jäne basqa da sūraqtar jiı qoiyldy. Äsırese, notariustar men advokattar köp sūraqtyŋ astynda qaldy.
Tüzeu mekemesındegı sottalǧandardy köbıne kassasiialyq şaǧym, sot şeşımıne qaita şaǧymdanu mäselelerı mazalaidy eken. Al studentter köbıne jetım balalarǧa arnalǧan kvotalar
turaly bılgısı keledı jäne jeŋıldıkterge ie adamdardyŋ memlekettık qordan baspana alu mäselelerıne qyzyǧuşylyq tanytty.
Aksiia barysynda elordalyq jas jūbailarǧa arnalǧan aşyq esık künı ūiymdastyryldy. Jastar ömırlerıne qajet, qūndy aqyl-keŋester aldy.
Ashat Raiqūl
