Zeinetker kötergen mäselenıŋ tüiını şeşıldı
Astana qalasynyŋ äkımı İ.Tasmaǧambetovtyŋ 2014 jylǧy 19 aqpanda halyqpen eseptık kezdesuı barysynda «İnternasionalnyi» tūrǧyn alabynyŋ tūrǧyny, zeinetker Qojantai Baikenov äkımge saual joldap, kürmeulı jaidyŋ tüiının şeşudı sūraǧan bolatyn.
Mäsele mynada, tūrǧynjaidan 50 metrden kem qaşyqtyqta qazandyq ornalasqan, iaǧni, üi qazandyqtyŋ sanitarlyq-qorǧau aimaǧynda tūr. Qazırgı uaqytta kül üiındısıne qorşau ornatu jūmystary jürgızılıp, qazandyqtaǧy aǧymdaǧy jaǧdaidy jaqsartu jönındegı ūsynystar qarastyryldy: su qyzdyru qazandyqtaryn auystyrylyp, sūiyq otyn qoldanu, sonymen qatar, barlyq qazandyqtarǧa kelesı jylytu mausymyna deiın şaŋnan, gazdan tazalau qondyrǧylaryn (siklondar) ornatu közdelgen.
Kezdesu barysynda tūrǧyndar qala basşysyna jalpy jäne jeke tūrǧydaǧy türlı sūraqtar qoidy. Tūrǧyndar qozǧaǧan är mäsele egjei-tegjeilı zerttelgennen keiın tiıstı şaralar qabyldanady.
Būdan basqa, «İnternasionalnyi» tūrǧyn alabyndaǧy «Eskendir» keşenınde aula kluby aşyldy. Jalpy audany – 400 şarşy metr. Mekemede küres, tennis, bi, jattyǧu zaldary, elektrondy kıtaphana jäne ardagerler men zeinetkerlerge arnalǧan üstel oiyndary (şahmat, doiby) üşın jabdyqtalǧan demalys bölmesı bar.
Saǧi ORAL