Visente Gonsales LOSSERTALES, Halyqaralyq körmeler biurosynyŋ bas hatşysy: BIZ KÜTKEN MEJEDEN KÖRINE BILDIŊIZDER
Keşe qala äkımı İmanǧali Tasmaǧambetov Halyqaralyq körmeler biurosynyŋ bas hatşysy Visente Gonsales Lossertalestı qabyldady. Döŋgelek üstelge otyrǧan qos tarap Astanada 2017 jyly ötetın «EKSPO» körmesıne daiyndyqtyŋ qalai bolyp jatqany turaly äŋgımelestı.
İ.Tasmaǧambetov qūrmettı qonaqqa elordada qolǧa alynǧan ırı ekı jobany tanystyryp öttı. Naqtyraq aitsaq, jol-kölık infraqūrylymy men energiia ünemdeu tehnologiiasyn engızu turaly tyŋ bastamalardyŋ jolǧa qoiylǧanyn jetkızdı.
Sonymen qatar, «EKSPO-2017» körmesıne deiın halyqaralyq äuejai, avto jäne temırjol beketterınıŋ de qūrylysy bastalady.
Qolǧa alynǧan keşendı jobalardyŋ ışınde qalaışılık joldardyŋ jaǧdaiy da qarastyrylady. Onyŋ ışınde qaita jöndeudı qajet etetın jalpy ūzyndyǧy 19 şaqyrymdy qūraityn 4 köşe bar. Sonymen qatar, kölık qozǧalysyna ITS bırjüielık basqarudy engızudıŋ bırınşı kezeŋı 2014 jyldyŋ mamyr aiynda qaladaǧy 42 qiylysqa ornatylatyny josparda bar. Osy joba aiasynda 6 kezeŋnen tūratyn 402 baǧdarşam ornatu jūmystary da jolǧa qoiylyp otyr. Iаǧni, ITS jüiesın engızu kölıkterden bölınetın ziiandy qaldyqtardyŋ mölşerın 12-14 paiyzǧa deiın kemıtedı degen söz.
Körme uaqytynda bır mezette myŋdaǧan qonaqty qabyldai alatyndai jaǧdai jasalmaqşy. Soǧan bailanysty qalamyzda bügınge deiın halyqaralyq standartqa sai bes jūldyzdy bırneşe meimanhana boi kötergen. Älı de qūrylysy aiaqtalyp bıtpegenderı men joba küiınde tūrǧandary da barşylyq. Bıraq, olardyŋ barlyǧy 2017 jylǧa deiın paidalanuǧa berıledı. İnvestisiialyq qoldaudyŋ aiasynda küşı 50 MVt bolatyn kün közınen quat alatyn elektr stansasy men 60 şaqyrymdyq velojol da el igılıgıne berıledı dep kütılude. Sondai-aq, qaladaǧy adamdardyŋ qauıpsızdıgı üşın bırneşe beinekamera ornatylatyn boldy.
Öz kezegınde Halyqaralyq körmeler biurosynyŋ bas hatşysy Visente Gonsales Lossertales: «Qūşaq jaia qarsy alǧandaryŋyz üşın men de sızderge rahmetımdı aitqym keledı. Qala kün ötken saiyn damyp kele jatyr. Özderıŋız bıletındei, menıŋ kelgendegı maqsatym – qaladaǧy qūrylys qarqynymen tanysu. Sebebı, qorytyndy şeşımımızdı şyǧaryp, körmege qatysuşy elderge şaqyrtu jıberetın kez jettı. Qūrmettı, äkım myrza, özıŋızdıŋ baiandamaŋyzdan keiın köp närsege közım jetkendei boldy. Bız kütken mejeden körıne bıldıŋızder dep tolyqtai aita alamyn. «EKSPO»-nyŋ jetıstıgı körme mezgılınde emes, odan keiın baiqalatyn bolady älı» dep airyqşa senım bıldırdı.
Nūrislam qūspanǧali
