Bışkek qalasynda Ūjymdyq qauıpsızdık şart ūiymy (ŪQŞŪ) Ūjymdyq qauıpsızdık keŋesınıŋ sessiiasy öttı. Qazaqstan Prezidentı Qasym-Jomart Toqaev, Belarus Prezidentı Aleksandr Lukaşenko, Qyrǧyzstan Prezidentı Sooronbai Jeenbekov, Resei Prezidentı Vladimir Putin, Täjıkstan Prezidentı Emomali Rahmon, Armeniianyŋ Premer-ministrı Nikol Paşinian, sondai-aq ŪQŞŪ Bas hatşysynyŋ mındetın atqaruşy Valerii Semerikov şaǧyn qūramda kezdesu ötkızdı. Sodan keiın delegasiia müşelerınıŋ qatysuymen kelıssözder jalǧasty.
Memleketter basşylary halyqaralyq jäne öŋırlık qauıpsızdıktı qamtamasyz etu jönınde pıkır almasty. ŪQŞŪ-nyŋ 2019 jylǧy basym baǧyttarynyŋ ıske asyryluyn qorytyndylap, aldaǧy josparyn anyqtady.
Qasym-Jomart Toqaev şaǧyn formatta ötken kezdesude qatysuşy memleketter basşylaryna Qazaqstannyŋ ŪQŞŪ formatyndaǧy özara ıs-qimyldardyŋ özektı mäselelerı jönındegı ūstanymyn jetkızdı.
– Bız ŪQŞŪ aiasyndaǧy saiasi yntymaqtastyqty damytuǧa, Ūiymnyŋ äskeri-küştık äleuetın nyǧaituǧa jäne zamanaui syn-qaterler men qauıpterge qarsy ıs-qimyldar jasauǧa niettımız, – dedı Memleket basşysy.
Halyqaralyq qauıpsızdık salasyndaǧy saiasi dialogty küşeitu qajettıgın atap ötken Qasym-Jomart Toqaev Euraziia kındıgınde ornalasqan aumaqtyŋ qauıpsızdıgın qamtamasyz etu ısındegı ŪQŞŪ-nyŋ atqaratyn jauapkerşılıgıne nazar audardy. Onyŋ pıkırınşe, Ūiym Europa men Aziiany qauıpsızdıktıŋ bıryŋǧai Euraziialyq platformasynda bailanystyra otyryp, öz pozisiiasyn qazırgıden de nyǧaita alatyny jönınde pıkır bıldırdı.
Qasym-Jomart Toqaev osy maqsatqa qol jetkızu üşın bırqatar mındettı qarastyru kerek ekenın aitty. Atap aitqanda, ŪQŞŪ-nyŋ halyqaralyq bedelın arttyru üşın jūmys jürgızu qajettıgıne toqtaldy.
– Bız eşkımge qarsy şyqpaimyz, kerısınşe, özara tiımdı dialogqa daiynbyz. Būl ūstanymdy ılgerıletu maŋyzdy, – dedı Memleket basşysy.
Bışkekte qabyldanǧan qūjattar ŪQŞŪ aiasyndaǧy yqpaldastyqty odan ärı nyǧaituǧa baǧyttalǧan. Qūjattar Ūiymnyŋ aşyqtyǧyn jäne onyŋ özge eldermen jäne halyqaralyq qūrylymdarmen yntymaqtastyǧyn keŋeituge beiıldıgın körsetedı.
Ūjymdyq qauıpsızdık keŋesı sessiiasynyŋ qorytyndysy boiynşa 17 qūjatqa, sonyŋ ışınde, jahandyq jäne öŋırlık qauıpsızdıktı nyǧaitu maqsatynda halyqaralyq özara ıs-qimyldar men yntymaqtastyqty jetıldıru turaly mälımdemege jäne Ūjymdyq qauıpsızdık keŋesınıŋ 14 şeşımıne qol qoiyldy.
