JAŊA DOKTRİNA QANADAI MINDETTER JÜKTEIDI?
Nadejda PETUHOVA,
Qazaqstan Respublikasy Parlamentı Mäjılısınıŋ deputaty
– «Nūr Otan» partiiasynyŋ barlyq on bes sezıne de qatysu mümkındıgıne ie boldym. Ärine, är sezdıŋ özındık erekşelıgı bolǧany anyq. Keşegı sezdı tarihi oqiǧa desek te bolady. Sebebı, däl osy sezde bız «Nūr Otan» partiiasynyŋ jaŋa doktrinasyn bekıttık. Būl qūjat tek bügıngı jastardyŋ ǧana emes, keler ūrpaqtyŋ, iaǧni, bızdıŋ nemerelerımız ben şöberelerımızdıŋ bolaşaǧyn aiqyndamaqşy.
Bızdıŋ, partiia müşelerınıŋ saiasi idealy – Elbasy. Sebebı, şyn mänınde, ūlt köşbasşysy Nūrsūltan Äbışūly Nazarbaev Qazaqstandy aiaǧynan tık tūrǧyzyp, älemdık qauymdastyq bızdıŋ elımızdı tanityndai deŋgeige jetkızdı.
Elımızdıŋ «Qazaqstan-2050» strategiiasy bızdıŋ barlyǧymyz üşın baǧdarlamalyq qūjat bolyp tabylady. Demek, otandastarymyzdyŋ bolaşaqqa ūmtylysy men jetıle tüsuge degen ūdaiy talpynysy Qazaqstannyŋ odan ärı örkendeuınıŋ asa maŋyzdy şarty dep oilaimyn.
Öz basym qazırgı jastarǧa qyzyǧa da qyzǧana qaraimyn. Öitkenı, alda olardy bügıngıden de nūrly, jarqyn bolaşaq kütıp tūr.
Sergei BOGATYREV, «№1 avtobus parkı» AQ basqarma töraǧasy
– Ötken on bes jyldyŋ qorytyndysyn şyǧaru jäne bolaşaqty baǧdarlau tūrǧysynan alǧanda būl elımızdıŋ «Qazaqstan-2050» strategiiasy qabyldanǧannan bergı partiiamyzdyŋ alǧaşqy basqosuy bolyp sanalady. Sondyqtan, bız elımızdı älemnıŋ eŋ quatty otyz elınıŋ qataryna qosu maqsatynda alys bolaşaqqa köz tıgıp, aldymyzǧa biık mejeler belgıledık. Söitıp, alda qandai maqsattar tūr, oǧan qai jolmen jetkenımız jön ekenın naqtylap, ony jüzege asyruǧa kırıstık.
Sezde «Nūr Otan» partiiasy – qoǧamdy ūiystyratyn jäne Elbasynyŋ memlekettık baǧytyn jüzege asyrudy qamtamasyz etetın basym saiasi küş ekenıne taǧy bır ret anyq köz jetkızdık.
Erjan ALDANAZAROV, Astana qalasy Jastar saiasaty mäselelerı basqarmasynyŋ bas mamany:
– Juyrda ǧana ötken «Nūr Otan» partiiasynyŋ kezekten tys XV sezınde «Nūr Otan. Nūrly bolaşaq jolynda» atty saiasi doktrina qabyldandy. Jaŋa qūjat eldıktıŋ maqsaty men mänın aşatyn bırneşe bölımderden tūrady. Atalmyş qūjat jastardy da beijai qaldyrmady. Äsırese, doktrinanyŋ ömır sapasy, dästür men mädeniet, ziiatkerlık baǧdar turaly ūstanymyn memlekettılıktıŋ tūǧyryn baiyptaityn faktor dep bılemız. Būl rette doktrinada «Bız ärdaiym biık mejelerdı közdep, maqsatymyzǧa qol jetkızıp keldık. Bızdıŋ bolaşaqqa ūmtylysymyz jäne jetıle tüsuge talpynysymyz – Qazaqstannyŋ odan ärı örkendeuınıŋ asa maŋyzdy şarty. Sondyqtan da oqu-bılımge ūmtylu, eŋbek etu jäne basqalardyŋ eŋbegın qūrmetteu, öz densaulyǧyna dūrystap qarau jäne däiım özın-özı ūştap otyru ärbır azamat üşın ömırınıŋ qalypty qaǧidasyna ainaluy kerek» delıngen. Osy aitylyp otyrǧan özektı mäsele azamattardyŋ otanşyldyǧy men belsendılıgı jas buynǧa bailanysty.
Qoryta aitqanda, «Nūr Otan» partiiasynyŋ jaŋa Saiasi doktrinasynda qoǧam müşesınıŋ, adamnyŋ qadır-qasietın, igılıgı men qūqyn, talap-tılegın, armany men müddesın memlekettık mūrat töŋıregıne toptastyru arqyly jaŋǧyru men jaŋaruǧa bastau maqsaty körınıs tapqan.
Namazälı OMAŞEV, filologiia ǧylymynyŋ doktory, professor
– Men Doktrina mätının daiyndaǧan jūmys tobynda boldym. Osyǧan deiın de elımızde türlı baǧdarlamalar, doktrinalar qabyldandy. «Nūr Otan» partiiasynyŋ būl jolǧy saiasi doktrinasy tarihymyzda alǧaş ret ata dästürımızge süiene otyryp jazyldy. Ūltymyzdyŋ ǧasyrlar boiǧy qalyptasqan dästürın baǧdar etıp aldy. Halyqtyŋ ülken biıgı töl mädenietı bolsa, otbasy men dästür, mädeniet pen ruhaniiattyŋ öz deŋgeiınde ūlyqtaluyna strategiialyq basymdyq berıp, partiianyŋ saiasi maqsatymen qatar bırıktırıp alyp otyr.
Men būl erekşelıkterdı jaŋa betbūrysqa balaǧym keledı jäne el bolaşaǧynyŋ damuyna senım ūialatady.
Maira ÄLIMHANQYZY, İnternasionalnyi kentındegı bastauyş partiia ūiymynyŋ töraiymy
– Elbasynyŋ doktrinasyn bastauyş partiia ūiymynda talqyladyq. Ol öte qarapaiym, ūǧynyqty tılmen jazylǧan. Ondaǧy, äsırese, jastarǧa baǧyttalǧan tūsy erekşe äser qaldyrdy.
Jaŋa oqu-bılımge ūmtylu, eŋbek etu jäne basqalardyŋ eŋbegın qūrmetteu, öz densaulyǧyna dūrystap qarau ärbır azamat üşın ömırınıŋ qalypty qaǧidasyna ainaluy qajet.
Sonymen bırge memlekettık tıldı nyǧaitu, qazaqtyŋ dästürı men mädenietın jaŋǧyrtu jūmystarynyŋ tiımdı jüiesın jasaudy tapsyrdy. Sondai-aq, Elbasy doktrinada memlekettık tıldı el bırlıgınıŋ faktory retınde atap ötken bolatyn jäne būl mäselege barynşa den qoiatyn kez kelgenın aitty. Rasynda da, qazaq tılın bılu – azamattyq paryzymyz ǧana emes, ūltqa degen qūrmet ekenın eskerttı. Otan degenımız otbasyndaǧy önegelı tärbieden bastalady, sondyqtan otbasyn nyǧaitu men ata dästürlerımızdı saqtap, ony ūrpaǧymyzǧa därıpteudı ärqaisysymyz esten şyǧarmauymyz kerek.