Astanadaǧy «Han Şatyr» oiyn-sauyq ortalyǧy maŋynda auylşaruaşylyq önımderınıŋ qorytyndy järmeŋkesı öttı.
Küreŋ küz bastalǧannan berı bas qalada Täuelsızdıktıŋ şirek ǧasyr toiyna arnalǧan «Quatty öŋır – quatty Qazaqstan» atty auqymdy şara aiasynda barlyq oblystardyŋ auylşaruaşylyq önımderınıŋ järmeŋkesı ūiymdastyryldy. Är aimaq özderı öndırgen azyq-tülık tauarlaryn arzan baǧamen osynda äkelıp, elordalyqtarǧa tartu jasady. Astana qalalyq auylşaruaşylyq basqarmasynyŋ mälımetterıne süiensek, 3 qyrküiekten 31 qazanǧa deiıngı aralyqta jalpy somasy 2 mlrd 722 mln teŋge bolatyn 7 412 tonna auylşaruaşylyq önımderı satylyp, 50-den asa önım türı tūrǧyndarǧa ūsynylǧan. Järmeŋkede satylǧan önımderdıŋ baǧasy naryqtyq jaǧdaimen salystyrǧanda 10-15 paiyz tömendeu boldy. Osy jerde tauar qūny aimaq ökılderımen kelısılgen türde belgılengenın aita ketken jön. Mäselen, jūrtşylyq köp satyp alatyn siyr etı 1000-1100 teŋge aralyǧynda bolsa, onyŋ qaladaǧy ortaşa baǧasy 1200-1250 teŋge kölemınde ekenı ras. Jemıs-jidek järmeŋkede 50-60 teŋgeden saudalansa, qalada ol 70-90 teŋgenı qūraidy.
Bır sözben aitqanda, aituly şara joǧary deŋgeide ūiymdastyryldy. Astana äkımı Äset İsekeşev pen barlyq oblys basşylary järmeŋkenı aralap, tauarlardyŋ sapasy men baǧasyn kördı. Jūrtşylyqtyŋ pıkırın tyŋdady. Öz kezegınde qala tūrǧyndary da osy igılıktı ıstı ūiymdastyrǧan azamattarǧa alǧysyn bıldırdı.
Ärine, elordalyqtar tek järmeŋkege baryp, azyq-tülık alyp qana qoiǧan joq. Sonymen bırge, auqymdy baǧdarlama aiasynda aimaqtardyŋ 120-dan astam mädeni şaralary ötıp, bas qala tūrǧyndaryna tanymdyq qoiylymdar, keremet konsertter jäne daryndy qylqalam şeberlerınıŋ körmelerı tartu etıldı. Sondai-aq, öŋırde tūratyn talantty qalamgerlermen kezdesuler de oqyrmandarǧa olja boldy. Sporttyq jäne oiyn-sauyq şaralardyŋ körıgı qyzdy. Äsırese, Aqtöbe oblysy ökılderınıŋ Qarttar jäne Balalar üilerıne arnap ötkızgen qaiyrymdylyq aksiiasy aituly baǧdarlamanyŋ äleumettık ajaryn aşa tüstı. «Soŋǧy tüienıŋ jügı auyr» demekşı, «Quatty öŋır – quatty Qazaqstan» atty auqymdy şaranyŋ tüiının tüiındegen myŋ jasap otyrǧan şahardyŋ mädeni baǧdarlamasy barysynda astanalyqtar «Almaty – Täuelsızdıktıŋ altyn besıgı» multimediialyq körmesın tamaşalap, egemendıktıŋ tuy tıgılgen jerden kelgen aqyndarmen jüzdestı.
Qaraşanyŋ qara suyǧy üdep tūrsa da, keşegı ötken järmeŋkege kelgen tūrǧyndardyŋ qorjyndary bos qaitqan joq. Ondaǧy önımderdıŋ baǧasy da sonşalyqty qymbat emes. Aitalyq, jylqy etı – 1 300 teŋgeden, ırı qaranyŋ etı – 1200 teŋgeden, qoi etı – 1250 teŋgeden, säbız, kartop, piiaz, qyryqqabat sekıldı kökönıster köterme baǧamen 50-70 teŋge aralyǧynda saudalandy. Odan bölek, kündelıktı qajettı azyq-tülıkterdıŋ qūny da qoljetımdı ekendıgın baiqadyq.
«Bügıngı järmeŋke maǧan ūnap tūr. Baǧalary da aitarlyqtai eken. Äsırese, jemıs-jidektıŋ qūny arzandau. Bır qap kartop, bır qap jua, bır qap säbız aldym. Qys jaqyndap qaldy. Soǧan daiyndalyp jatyrmyz» deidı qala tūrǧyny Nūrlan Aqym degen aǧamyz.
Qysqasy, elordada ötken dästürlı auylşaruaşylyq järmeŋkesı barlyq jaǧynan da tiımdı boldy dep aituǧa bolady. Sony eskergen Astana äkımdıgı aldaǧy uaqytta öŋırlık auylşaruaşylyq önımderın öndıruşılerdıŋ qatysuymen osyndai järmeŋkenı tūraqty ötkızuge şeşım qabyldady.
Azamat ESENJOL
