Keşe «Qoljetımdı baspana – 2020» baǧdarlamasy aiasyndaǧy jas otbasylardy baspanamen qamtu tetıgı ıske qosylyp, Halyqqa qyzmet körsetu ortalyqtarynda qūjattardy qabyldau bastaldy. Osyǧan bailanysty Astana qalasy Tūrǧyn üi basqarmasy basşysynyŋ orynbasary Ruslan Ahmetovtı äŋgımege tarttyq.
– Baǧdarlamaǧa qatysuǧa niettı jastarǧa qandai talaptar qoiylyp otyr?
– Baǧdarlamaǧa kemınde ekı jyl nekede tūrǧan jäne erlı-zaiyptylardyŋ ekeuı de 29 jasqa tolmaǧan jas otbasylar qatysady. Sondai-aq, Astana qalasynda kemınde ekı jyl tırkelımı bar tolyq emes otbasylar ötınış bere alady. Onda da balalardy tärbieleuşılerdıŋ bıreuı 29 jasqa tolmaǧan boluy kerek.
– Otbasylardy ırıkteu baldyq jüie arqyly jürgızıledı dep estıgen edık. Osynyŋ jaiyn tüsındırseŋız.
– Būl jüie boiynşa bır balaǧa 20 baldan, ärbır ekınşı jäne odan keiıngı balalarǧa 30 baldan qosylyp otyrady. Sonymen qatar, komissiia ötınış beruşılerdıŋ soŋǧy bes jylda Qazaqstan Respublikasynyŋ aumaǧynda menşıkte üi boluyn jäne ony ielıkten şyǧaru jaǧdailaryn tekseredı. Mūnymen qosa, otbasyndaǧy sozylmaly aurulardyŋ keibır auyr türlerımen auyratyn nemese mügedek ärbır müşesı üşın 10 ball; memlekettık baǧdarlamalar şeŋberınde aldyndaǧy ırıkteu kezeŋınde salynǧan tūrǧyn üidıŋ tızımıne qosylmaǧan ümıtkerler üşın 5 ball; kämeletke tolǧanǧa deiin ata-analarynan aiyrylǧan, 29 jasqa tolmaǧan jetım balalar men ata-ana qamqorlyǧynsyz qalǧan balalar sanatyna jatatyn erlı-zaiyptylardyŋ ärbıreuı üşın 10 ball qosylady.
– Biyl qanşa jas otbasyn baspanamen qamtamasyz etemın dep josparlap otyrsyzdar? Olarǧa arnalǧan tūrǧyn üi qūrylysy jūmystarynan da habar berseŋız.
– Osy jyldyŋ qazan aiynda 672 jas otbasy Tılendiev daŋǧylynyŋ oŋtüsıtıgıne qarai ornalasqan jalpy audany 27,2 myŋ şarşy metr tūrǧyn üi keşenınde qonys toiyn toilaityn bolady. Sonymen qatar, Saraişyq köşesınıŋ oŋtüstıgınde jalpy audany 28,3 şarşy metr 430 päterlık tūrǧyn üi tapsyrylady. Jalpy, byltyr baǧdarlama aiasynda «Kezekte tūrǧandar men jas otbasylarǧa arnalǧan baspana qūrylysy» baǧyty boiynşa 6 tūrǧyn üi keşenın salu qolǧa alyndy. Qūrylys basqarmasy kelesı jyly Brusilovskii-İmanov-Jūbanov köşelerınıŋ aumaǧynda ornalasqan 272 päterlık tūrǧyn üi keşenın, sondai-aq, Sarybūlaq özenınıŋ boiynda Tılendiev daŋǧylynyŋ oŋtüstıgınde ornalasqan jalpy audany 14,6 myŋ şarşy metr 295 päterlık jäne jäne jalpy audany 22,9 myŋ şarşy metr 530 päterlık ekı tūrǧyn üi keşenın paidalanuǧa bermek.
– Qūjattardy qabyldau qai uaqytqa deiın jürgızıledı?
– Atalǧan kriteriiler boiynşa azamattardan qūjattardy qabyldau 14 mausymǧa deiın Halyqqa qyzmet körsetu ortalyqtarynda üzılıssız jürgızıledı. Sondyqtan baǧdarlamaǧa ılıgemın deitın jastarda älı ekı aptadai uaqyt bar.
Amanǧali ŞMİTŪLY
