Jaqynda Nūr-Sūltan qalasy Qoǧamdyq keŋesınıŋ jaŋa qūramy bekıtılıp, jūmysyna kırısıp te kettı. Oǧan būrynǧy qūramnan ekı-aq adam öttı. Sonyŋ bırı Marat Mūstafindı elordanyŋ tynys-tırşılıgıne sergek qaraityn belsendı azamat retınde jaqsy bılemız. Qoǧamdyq keŋesterdıŋ tarihy bastalǧan 2016 jyldan berı gazet tılşısı retınde otyrystaryna qatysyp jürıp, esımın jiı tılge tiek etetın edık. Onyŋ sebebı Marat Kärımūly bas qala men şahar tūrǧyndaryna tıkelei qatysy bar asa maŋyzdy, özektı mäseleler talqylanǧanda ünsız qalmaityn. Sözımız jalaŋ bolmasyn, bırneşe derektı de keltıre keteiık.
Elordanyŋ Baiqoŋyr audanynyŋ qūrylǧanyna tört jyl ǧana boldy. Marat Mūstafin byltyr köktemde osy audanǧa qaraityn «Kirpichnyi» tūrǧyn alabyndaǧy otbasylyq-därıgerlık ambulatoriiany jöndeu mäselesın köterdı. Aqyry mäsele oŋ şeşıldı. Marat Kärımūly şahardyŋ şetkı aimaqtaryn abattandyru mäselesıne de jauapty mekemelerdıŋ nazaryn jiı audaratyn. Üş jyl būryn onomastika mäselelerıne arnalǧan otyrysta bas qalada körnektı memleket qairatkerı Jūmabek Täşenevke eskertkış ornatu kerektıgın aitty. Söitıp köptıŋ kökeiındegı mäselenı döp basty. Ötken jyly Jūmabek Ahmetūlynyŋ eskertkışı elordada boi kötergenınen jūrt habardar boluy kerek.
Marat Kärımūly qalanyŋ Qoǧamdyq keŋesınıŋ jaŋa qūramynda da belsendılıgınen jaŋylmaitynyna senımdımız. Mäselen, juyrda «Jemqorlyqqa qarsy strategiiany jüzege asyru – Prezident Joldauynan şyǧatyn maŋyzdy mındet» taqyrybynda döŋgelek üstel mäjılısı ūiymdastyryldy. Sonda söz söilegen keiıpkerımız äleumettık zertteuler nätijesıne süienıp, memlekettık mekemelerdegı jemqorlyq faktılerdı äşkerelegendei boldy.
Marat Mūstafin qoǧamdyq keŋestıŋ energiia tiımdılıgı, tūrǧyn üi-kommunaldyq şaruaşylyq, qūrylys jäne ekologiia mäselelerı jönındegı komissiianyŋ müşesı. Būl – janyna etene jaqyn salalar. Osydan jarty ǧasyrdan astam uaqyt būryn on jyldyqty üzdık bıtırgen ol Qazaq himiia-tehnologiia institutynyŋ injenerlık-qūrylys fakultetın bıtırdı. Qolyna diplomyn ala salasymen, «tuǧan jerge tuyŋ tık» demekşı, özın tületıp ūşyrǧan qasiettı Torǧai topyraǧyna qaityp oralyp, elıne qyzmet etudı bastady.
Būl uaqytta Torǧai oblysynyŋ qūrylǧanyna köp bola qoimaǧan. Jiyrma jastan jaŋa asyp, jastyq jıgerı jalyndap tūrǧan jıgıt Esıl qalasyndaǧy keramzit-beton būiymdary zauytynda eŋbek jolyn bastap, şeber bolyp jūmysqa ornalasty. Ärı qarai seh bastyǧy, zauyttyŋ bas tehnology qyzmetterıne köterıldı. Arada Esıl audandyq partiia komitetınıŋ önerkäsıp-kölık bölımınıŋ meŋgeruşısı bolyp qyzmet ıstep, özın täjıribelı maman retınde qalyptastyrǧan zauytqa direktor bolyp taǧaiyndaldy.
Marat Kärımūlynyŋ kındık qany Jangeldin audanynyŋ Aqköl auylynyŋ topyraǧyna tamdy. Būl topyraqta biyl 150 jyldyq mereitoiy el kölemınde ǧana emes, IýNESKO deŋgeiınde atap ötıletın ūlt ūstazy Ahmet Baitūrsynūly düniege keldı.
Marat Mūstafin da ūlaǧatty ūstazdardyŋ şaŋyraǧynda tudy. Äkesı Kärım men anasy Näbira sol öŋırden şyqqan talai azamattardy bılım närımen susyndatyp, tärbieledı. Elge qyzmet etıp, abyroiǧa keneldı. Sondai önegelı otbasynda tuǧan Marat Kärımūly da ūiada körgenın ıstep kele jatyr. Torǧai oblysy bır jabylyp qalyp, ötken ǧasyrdyŋ toqsanynşy jyldary qaita aşylǧanda Marat aǧamyz Arqalyq qalasyna äkım boldy. 1997-2014 jyldar aralyǧynda Qazaqstan Respublikasynyŋ Torǧai, Aqmola oblystary boiynşa Baǧa jäne monopoliiaǧa qarsy saiasat komitetterınıŋ, Tabiǧi monopoliialardy retteu, bäsekenı qorǧau jäne şaǧyn käsıpkerlıktı qoldau agenttıgı departamentınıŋ töraǧasy, agenttıktıŋ Soltüstık Qazaqstan oblysy boiynşa departament basşysy bolyp qyzmet atqardy.
2014 jyldan 2016 jylǧa deiın Qazaqstan Respublikasy Ūlttyq ekonomika ministrlıgınıŋ Tabiǧi monopoliialardy retteu jäne bäsekelestıktı qorǧau komitetınıŋ Astana qalasy boiynşa departamentınıŋ basşysy qyzmetın atqardy. Sol 2016 jyldan berı Nūr-Sūltan qalasy Qoǧamdyq keŋesınıŋ müşesı bolyp üzbei sailanyp kele jatyr.
Osy künderı Marat Kärımūly mereilı jetpıs jastyŋ jotasyna şyǧyp jatyr. Zeinetkermın ǧoi dep qol qusyryp otyrǧan joq. Jıgerın joǧaltpady. Joǧaryda jazǧanymyzdai, qalalyq Qoǧamdyq keŋes müşesı jäne «TSM Logistics» tasymaldau prosesıne qatysuşylar qauymdastyǧy» ZTB vise-prezidentı.
Almaty ekonomika jäne statistika institutynyŋ «Ekonomika» fakultetın syrttai bıtırdı. AQŞ (Vaşington, Arizona ştaty) jäne Ūlybritaniia (London) elderınde basqaruşylyqty jetıldıru ortalyqtarynda bılım aldy.
Ūzaq jylǧy eŋbegı baǧalanyp, «Qūrmet» ordenımen jäne köptegen medaldarmen marapattaldy. 2008 jyly Soltüstık Qazaqstan oblysy boiynşa «Jyl adamy» atandy. AQŞ-tyŋ Arizona ştatyndaǧy Tuson qalasynyŋ (1995 j.) jäne Arqalyq qalasynyŋ (2002 j.) «Qūrmettı azamaty». Bırneşe ret Selinograd, Torǧai oblystary jäne Esıl audany keŋesterınıŋ deputaty bolyp sailandy. Jaqynda mereitoiynyŋ aldynda oǧan Esıl audanynyŋ «Qūrmettı azamaty» ataǧy da berıldı.
Marat Mūstafinnıŋ äkesı Kärım ǧasyr jasady. Kezınde Jangeldin audanyna resmi ıssaparmen barǧan Qazaqstannyŋ Tūŋǧyş Prezidentı Nūrsūltan Nazarbaevqa batasyn bergen aqsaqaldyŋ 100 jasqa tolu qūrmetıne 2010 jyly bükıl Torǧai elı at şaptyryp, toi jasady.
Marat Kärımūly jary Gülnär Malǧajdarqyzymen bırge üş bala ösırıp, tärbieledı. Qazır üş perzentı de ömırden öz joldaryn tauyp, ata-anasyna nemere süidırıp otyr. Marat Kärımūlyn mereitoiymen qūttyqtap, şöbere, şöpşek körıŋız deimız.
