Astana qalasy äkımdıgınıŋ Jūmyspen qamtu, eŋbek jäne äleumettık qorǧau basqarmasyna qarasty №4 bölımşe qyzmetıne alǧys aituşylar az emes. Bölımşe I jäne II toptaǧy mügedekterge, egde jastaǧy qariialarǧa äleumettık kömek körsetumen ainalysady.
Bügınde mūnda 8 qyzmetker 63 adamǧa kütım jasaidy. Järdemdesudıŋ būl türı arnauly äleumettık qyzmet körsetu standartyna sai jürgızıledı. Tamaq jasap, ydys juyp, üi jinau sekıldı tūrmystyq şarualardy densaulyǧy kötermeitındıkten, äleumettık qyzmet türın paidalanuşy qartaŋ tartqan ata-äjeler būl igı ıstı quana qabyldaidy.
Osy salada bırneşe jyldan berı jūmys jasap kele jatqan Gülbarşyn Şuhanova jaqynda Olga Dmuhailonyŋ üi şaruasyna qolǧabys ettı. Tüskı as kezınde ystyq tamaǧyn daiyndap, şaiyn berdı. Bölmelerdıŋ tazalyǧyn retke keltırdı. Onymen qoimai, äjenı äŋgımege tartyp, ruhani demeu boldy. Onyŋ qamqorlyǧy men kömegıne Olga äjei dän riza bolyp otyr.
Al, 2014 jyldan berı äleumettık kömekke zäru Evgeniia Ovseevanyŋ jeŋıldıkpen alatyn därı-därmegın qyzmetkerler därıhanadan uaqytynda jetkızıp beredı.
Mūndai jaǧymdy mysaldar jeterlık. Mäselen, ötken aptada №4 bölımşenıŋ qyzmetkerı Äsem Şaiahmetova Ūly Otan soǧysy qatysuşylarymen teŋestırılgen Anton Saviskiidı №2 emhananyŋ surdolog därıgerı qabyldauyna tırketıp, basqa da qajettı medisinalyq tekseruden ötkızdı.
Mädina JAQYP
