Жаңалықтар
ҚОСЫМША ІРІКТЕУ ӨТЕДІ
Биыл екінші рет өтетін «Аялаған Астана» ұлттық телевизиялық музыкалық балалар байқауына қызығушылық артып отыр.
Республика бойынша айтулы байқауға қатысушыларды іріктеу туры жақында мәресіне жеткен болатын. Алайда, байқауға қатысуға ниет білдіруші балалардан әлі де өтінімдер толастар емес. Осы жағдайға байланысты байқауды ұйымдастырушылар Астана және Алматы қалаларында 10 мамыр күні қосымша іріктеу күнін өткізу жөнінде шешім шығарды.
Ал байқаудың қорытындысы 4, 5, 6 шілде күндері – Астана күні мерекесі аясында өткізіледі. Гран-при иегері Қазақстан атынан «Детская Новая Волна» байқауында өнер көрсетуге мүмкіндік алады.