Рыбакина – чемпион!
Елена Рыбакина Дубайда (БАӘ) өткен Дүниежүзілік теннис лигасы (WTL) көрме турнирінде жеңімпаз атанды.
Турнирде Hawks командасы сапында өнер көрсеткен қазақстандық теннисші – бір жылдағы екінші ірі жеңісі. Естеріңізде болса, жыл басында Елена Рыбакина Уимблдон 2022 чемпионы атанып, айды аспаннан бір шығарған-ды.
Бүкіләлемдік теннис лигасы-2022 финалында Hawks командасы Kites командасын 37:25 есебімен басым түсті.
Өз командасы үшін бірінші және маңызды ұпайды біздің теннисшіміз әкелді. Ол әлемнің бірінші ракеткасы Иги Свентекпен күш сынасып, нәтижесінде 6:3, 6:1 есебімен басым түсті.
Дубай корттарында еліміздің бірінші ракеткасы бірде-бір кездесуде жеңілмеді. Осы турнирдегі алғашқы кездесуінде қазақстандық спортшы әлемнің бесінші ракеткасы Арина Соболенкодан басым түссе, одан кейін әлемдік рейтингтің 4-орындағы Кэролайн Гарсияны ұтты. Ал шешуші кездесуде WTA әлемдік рейтингінің көшбасшысы Иге Свентекті қапы қалдырды.
Сөйтіп, Елена Рыбакина үшін 2022 жыл табысты басталып, жемісті аяқталды.