Жол қозғалысы қауіпсіздігінің онкүндігі аясында елорданың Ішкі істер департаменті автошеру өткізді.
Қаладағы «Sport rassing» және «Astana Raiders MCC» секілді автомектептермен бірлесіп ұйымдастырылған шара «Балалардың жолдағы қауіпсіздігі үшін!» деп аталады. Ол шаһардың ескі бөлігіндегі көшелерден басталып, «Бәйтерек» монументі жанында мәреге жетті. Акция барысында полицейлер өздерінің кішкентай көмекшілері – жол қозғалысының жас инспекторларымен бірге жүргізушілермен әңгімелесіп, тақырыптық буклеттер таратты.
