Елордада Astana Art Show фестивалі аясында Racing the Galaxy атты халықаралық заманауи өнер көрмесі ашылды. Көрменің ашылуына қала әкімінің орынбасары Ерлан Каналимов қатысып, жиналғандарды астана күнімен құттықтады.
– Бүгінде елордамыз дәулеті тасып, сәулеті асқан әлемдегі сұлу шаһарлардың біріне айналды. Елбасының стратегиялық көшбасшылығымен Қазақстан қарқынды әлеуметтік-экономикалық даму жолына түсті. Бас қаланы ел дамуы мен гүлденуінің белгісі деп айтуға болады, – деді ол.
Айтулы шараға әлемнің 15 елінен 20 қылқалам шебері келді. Көрмеге Италия, Аргентина, Түркия және отандық суретшілердің туындылары қойылды. Сондай-ақ фестиваль аясында кәсіби қылқалам шеберлерінің шеберлік дәрісі өтті.
