ەلدى ەلەڭ ەتكىزگەن

جاڭا جىلدى قارىزسىز قارسى الادى

گرۋزيا بيلىگى «قارا تىزىمگە» ەنگەن 600 مىڭ ازاماتتىڭ بانكتەردەگى قارىزىن جويىپ تاستادى. بۇل تۋرالى BBC اگەنتتىگى حابارلادى.

– قارىزدىڭ جالپى سوماسى 1,5 ميلليارد ءلاريدى (565,3 ميلليون دوللار) قۇرايدى. شەشىم بويىنشا بۇل قارىزدار جويىلاتىن بولادى. حالقىمىز جاڭا جىلدى قارىزسىز قارسى الاتىن بولادى, – دەدى پرەمەر-مينيستر مامۋكا باحتادزە.
بۇل ۇدەرىس 15 جەلتوقساننان باستالىپ, اي سوڭىنا دەيىن جالعاسادى. «مۇنداي جاعدايعا جاۋاپسىز نەسيەلەۋ سەبەپ بولىپ وتىر. بۇكىل قارجىلىق ينستيتۋت ەش قيىندىقسىز نەسيە بەرىپ كەلدى. سالدارىنان ۇلكەن پايىزدار, ايىپپۇلدار تىركەلدى» دەپ ءمالىم ەتتى قارجى ءمينيسترى يۆان ماچاۆارياني.

جوعالعان سۋبمارينا تابىلدى

بىلتىر جوعالعان ارگەنتينانىڭ «سان-حۋان» سۇڭگۋىر قايىعى تابىلدى. Telam اگەنتتىگىنىڭ ونى امەريكالىق Ocean Infinity كومپانياسى 800 مەتر تەرەڭدىكتەن انىقتاعانىن حابارلادى.

ارگەنتينا قورعانىس مينيسترلىگىنىڭ بولجامى بويىنشا, ەلەكترلى باتارەيادان اقاۋ شىعىپ, ارتىنشا جارىلعان. سۇڭگۋىردىڭ قيراندىلارى 70 مەتر اۋماققا شاشىلعان. قازىر تەرگەۋ جۇمىستارى جۇرگىزىلىپ جاتىر.
«سان-حۋان» وتكەن جىلدىڭ 15 قاراشاسىندا ۋشۋايا تەڭىز اسكەري بازاسىنان مار-دەل-پلاتاعا كەتىپ بارا جاتقان جولدا جوعالىپ كەتكەن. ونىڭ بورتىندا 44 ادام بولىپتى. سۋبمارينامەن سوڭعى بايلانىسقا شىققاندا اپاتتى جاعدايعا تاپ بولعانى حابارلانعان. ونى ىزدەۋگە ءتورت مىڭعا جۋىق ادام, 28 كەمە, 9 ۇشاق جۇمىلدىرىلعان. سول سياقتى باس-اياعى 18 ەل اتسالىسىپتى.

بەنزيننىڭ قىمباتتاۋىنا نارازىلىق ءبىلدىردى

فرانتسياداعى «سارى جيلەتتەر» قوعامدىق قوزعالىسىنىڭ قاتىسۋشىلارى ءۇشىنشى كۇن قاتارىنان ەلدە جانارماي باعالارىنىڭ وسۋىنە قارسىلىق ءبىلدىرىپ, نارازىلىق شارالارىن وتكىزىپ جاتىر.

نارازىلىق ءبىلدىرۋ­شىلەر بۇكىل فرانتسيا بويىنشا جولداردى جابۋدا. سالدارىنان بىرقاتار ءىرى اۆتوماگيس­ترالدىڭ قوزعالىسى توقتاعان. سونداي-اق «سارى جيلەتتەر» Total كومپانياسىنىڭ ەلدىڭ باتىسى مەن وڭتۇستىگىندە ورنالاسقان ەكى وتىن قويماسىنىڭ كىرۋ جولدارىنا توسقاۋىل قويۋدا. باعالاردىڭ بىردەن قىمباتتاۋىنا وسىلايشا نارازىلىق بىلدىرگەن ولار نىسانداردىڭ كىرەبەرىستەرىنە دە بوگەتتەر ورناتىپ تاستاعان. سوڭعى جىلدارى فرانتسيادا بەنزين باعاسى 10-15 پايىزعا كوتەرىلسە, ديزەلدىك وتىن 24 پا­­يىز­عا قىمباتتاعان.