ۋكراينا جەرىنەن التىن وردا حانىنىڭ جازعى قونىسى تابىلدى.
قازبا جۇمىستارى كەزىندە بۇل جەردەن مىڭداعان جەز جانە التىن باقىر شىققان كورىنەدى.
«ۆ.دال اتىنداعى شىعىس ۋكراينا ۇلتتىق ۋنيۆەرسيتەتى ماماندارىنىڭ حابارلاۋىنشا, التىن وردا حاندارىنا تيەسىلى قونىس لۋگانسك وبلىسىنىڭ پوپاسنيان اۋدانى اۋماعىنان تابىلعان. كەزىندە حان شاتىرى ءبىر ءۇستىرتتىڭ سۋ ايىراتىن جوتاسىنا تىگىلىپتى. عالىمدار وسى ماڭايدان اۋىزسۋ كوزى مەن باعالى بۇيىمدار جاسىرىلعان جەردى تاپتى. ودان 3 مىڭنان استام جەز جانە التىن, باقىر, قابىرعاعا ىلەتىن سۋرەتتى قاڭىلتىرلار, ايەلدەردىڭ اشەكەي بۇيىمدارى, ەڭبەك جانە تۇرمىستىق قۇرالدار, قارۋ-جاراق تۇرلەرى شىقتى. شىعىس ۋكراينا ۇلتتىق ۋنيۆەرسيتەتى ماماندارى بۇل وردا عابدوللاھ حاندىكى بولۋى مۇمكىن دەپ توپشىلايدى. تاريحي دەرەكتەر بويىنشا, ول 1361 جىلى مامايدىڭ قولداۋىمەن حان بولعان. التىن وردا حاندارى سۋداك, ازاۋ جانە ەدىل بويىنداعى ساراي دالاسىندا جازعى قونىس ورناتقان. بۇل جەرلەردە جۇزدەگەن كيىز ءۇي تىگىلىپ, جارمەڭكەلەر, ويىن-تويلار وتكەن» – دەپ جازادى دەرەك كوزدەرى.
