ارىپتەستەر مەرەيى
بايلانىس جانە اقپارات قىزمەتكەرلەرى كۇنىنە وراي سەناتتا ۇزدىك جۋرناليستەرگە, ۇجىمدارعا قۇرمەت كورسەتىلدى. سەنات توراعاسى قاسىم-جومارت توقاەۆ قر پارلامەنتى سەناتىنىڭ قىزمەتىن اقپاراتتىق قولداۋداعى بەلسەندى جانە جەمىستى ەڭبەگى ءۇشىن «استانا اقشامى» گازەتىنىڭ باس رەداكتورى ەركىن قىدىردى العىس حاتپەن ماراپاتتادى.
سەنات توراعاسى «استانا اقشامى» گازەتى رەداكتسياسى ۇجىمىنا دا العىس ءبىلدىردى.
سونداي-اق, «ەتنواۋىل» ۇلتتىق-مادەني كەشەنىندە بايلانىس جانە اقپارات قىزمەتكەرلەرىنىڭ كۇنىنە وراي «مەملەكەتتىك ءتىل جانە باق» اتتى رەسپۋبليكالىق كونكۋرستىڭ جەڭىمپازدارى ماراپاتتالدى.
سالتاناتتى جيىندا قر مادەنيەت جانە سپورت ءمينيسترى ارىستانبەك مۇحامەديۇلى «استانا اقشامى» گازەتىنىڭ شولۋشىسى ازامات ەسەنجولعا ءتىل, مادەنيەت, سپورت جانە تۋريزم سالاسىن باق-تا جان-جاقتى ناسيحاتتاعانى ءۇشىن ارنايى العىس حاتپەن ماراپاتتادى.