نۇر-سۇلتاندا ASTAUfest-2019 گاسترونوميالىق فەستيۆالى باستالدى. اسپازشى كۇنىنە ارنالعان ءىس-شاراعا قازاقستان, رەسەي جانە قىرعىزستاننان 50 قاتىسۋشى جينالدى.
ۇزدىك مامان اتاعى ءۇشىن كاسىبي اسپازدار مەن كوللەدج ستۋدەنتتەرى-اسپازشىلار باق سىناۋدا. بيىل باعدارلاماعا ۇيىمداستىرۋشىلار مەكتەپ وقۋشىلارى مەن ستۋدەنتتەرگە ارناپ تاماق ازىرلەۋ تۋرالى تاپسىرمانى ەنگىزدى. ASTAUfest-2019 گاسترونوميالىق فەستيۆالى «تاعامتانۋدى ۇيىمداستىرۋ» ماماندىعىن ناسيحاتتاپ, مارتەبەسىن كوتەرۋگە, مامان دايارلاۋ مەن ولاردىڭ باسەكەگە قابىلەتتىلىگىن ارتتىرۋعا ارنالعان. جارىس سوڭىندا «ارت-كلاسس», «شەف-كونديتەر», «ستۋدەنچەسكي وبەد», «شەف-پوۆار», «سەرۆيس كلاسس» اتالىمدارى بويىنشا ۇزدىك ماماندار سىيلىققا يە بولادى.
