ەلوردالىق كوماندا «استانا-ارەنا» ستاديونىندا «تاراز» كلۋبىن قابىلدادى. الاڭ يەلەرى ويىن باستالىسىمەن شابۋىلعا شىعىپ, قوناقتاردى تىعىرىققا تىرەدى.
كوپ ۇزاماي ويىننىڭ جيىرما ەكىنشى مينۋتىندا «استانا» كلۋبىنىڭ جارتىلاي قورعاۋشىسى كەتەۆواما ەسەپ اشىپ, كومانداسىن العا شىعاردى. از عانا ۋاقىتتان كەيىن ۇلان قونىسباەۆ قارسىلاسىنىڭ قاقپاسىنا ەكىنشى گولدى سالدى. ءۇستى-ۇستىنە شابۋىلداعان ەلوردالىقتار ويىننىڭ العاشقى كەزەڭى اياقتالماي جاتىپ كەتەۆواما تاعى دا دوپ سوقتى. ال, قوناقتار شەرحان باۋىرجاننىڭ جالعىز گولىنىڭ ارقاسىندا ەسەپتى قىسقارتتى.
قالعان ويىنداردا مىناداي ەسەپ ءتىركەلدى: «شاحتەر» (قاراعاندى) ‒ «ۆوستوك» (وسكەمەن) 2:0, «جەتىسۋ» (تالدىقورعان) ‒ «توبىل» (قوستاناي) 1:4, «ەرتىس» (پاۆلودار) ‒ «قايرات» (الماتى) 2:1, «اقجايىق» (ورال) ‒ «اتىراۋ» 4:0, «اقتوبە» ‒ «ورداباسى» (شىمكەنت) 1:0.
ولجاس سۇلەيمەنوۆ
