وتكەن جىلعى ءدال وسى كەزەڭمەن سالىستىرعاندا استاناداعى جالپى بالا تۋ كورسەتكىشى 8,7 پايىزعا ارتىپتى. بۇل تۋرالى مالىمەتتى قالالىق دەنساۋلىق ساقتاۋ باسقارماسىنىڭ ماماندارى تاراتتى. حالىقتىڭ تابيعي ءوسىمى جونىندەگى باسقارمانىڭ اي سايىنعى مالىمەتىن گازەتىمىزدە تۇراقتى جاريالاپ كەلەمىز.
جىل باسىنان بەرگى دەرەكتەرگە سۇيەنسەك, ەلوردا دەموگرافياسىندا ديناميكالىق ءوسۋ قارقىنى بايقالادى.
اتاپ ايتقاندا, شىلدە ايىندا قالادا جالپى سانى 1855 بالا دۇنيە ەسىگىن اشتى.
ونىڭ 926-سى ۇل, 929-ى قىز بالا. 21-ءى ەگىز. الدىڭعى ايمەن سالىستىرعاندا كورسەتكىش 100-دەن استام بالاعا ارتىپ وتىر.
باسقارما باسشىلىعىنىڭ ايتۋىنشا, استانادا انا مەن بالا دەنساۋلىعى جاقسارىپ, حالىقتىڭ ورتاشا ءومiر ءسۇرۋ ۇزاقتىعى ارتىپ كەلەدى.
ال, استانا قالاسىنىڭ ستاتيستيكا دەپارتامەنتى باسشىلىعى ءدال بۇگىنگى كۇنى قالا حالقىنىڭ سانى 758007 ادامدى قۇراپ وتىرعانىن ايتادى.
تۇرعىنداردىڭ 364863-ءى, ياعني, 48,2 پايىزى الماتى اۋدانىنا تيەسىلى, 97237-ءسى, ياعني, 12,8 پايىزى ەسىل, 295907 ادام, ياعني, 39 پايىزى سارىارقا اۋدانى اۋماعىنىڭ ەنشىسىندە.
شىنار دوسان
