ەسىل اۋدانىندا قازاقستان رەسپۋبليكاسى پرەزيدەنتى قاسىم-جومارت توقاەۆتىڭ «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» تاقىرىبىنداعى قازاقستان حالقىنا جولداۋىن تالقىلاۋ ماقساتىندا اۋدان اكتيۆتەرىنىڭ جينالىسى ءوتتى.
اۋدان اكىمى بەرىك جاكەنوۆتىڭ قاتىسۋمەن وتكەن شاراعا ەلوردالىق باسقارما باسشىلارى, قالالىق ءماسليحات دەپۋتاتتارى جانە اۋدان بەلسەندىلەرى دە قاتىستى. جينالىستا بايانداماشىلار پرەزيدەنت جولداۋىنداعى جۇرت ايرىقشا نازار اۋدارىپ وتىرعان جارقىن تۇيىندەرگە توقتالۋمەن قاتار, وتانداستارىمىز كوپ كوڭىل بولەتىن جۇرەكجاردى ماسەلەلەردى دە اتاپ ءوتتى. جولداۋدا ايتىلعان حالىقتى تۇرعىن ۇيمەن قامتاماسىز ەتۋ, ازاماتتاردىڭ قۇقىعى مەن قاۋىپسىزدىگىن قامتاماسىز ەتۋ, ءبىلىم بەرۋ سالاسىن دامىتۋ سىندى تولعاقتى تۇيىندەرگە باسىمدىق بەرۋ حالىقتىڭ كوڭىلىنەن شىعىپ, بولاشاققا دەگەن سەنىمدەرىن ارتتىرا ءتۇسكەنىن ايتتى.
مەملەكەتتىك ورگانداردىڭ جۇمىسى ايقىن بولۋى كەرەك. ءوز ارىپتەستەرىمە قالالىق ءماسليحات پەن پارلامەنتتىڭ سەسسياسىنا كەلۋدى ۇسىنامىن. ءبىز ءوز ەلىمىزدىڭ تىرشىلىگىنە بەلسەنە ارالاسۋعا ءتيىسپىز. ال قالالىق باسقارمالار مەن اكىمدىك جۇمىسىن, ونىڭ ىشىندە اۋداندىق اكىمدىك جۇمىسىن باعالاۋ جۇيەسى جاقسى باستاما دەپ سانايمىن,- دەدى پرەزيدەنت جانىنداعى ادام قۇقىقتارى جونىندەگى كوميسسيانىڭ مۇشەسى بايان احمەتجانوۆا.
بايانداماشىلار ءوز ويلارىن ورتاعا سالا وتىرىپ, قازاقستانداعى تۇراقتىلىق پەن ەل ەكونوميكاسىن جانداندىرۋ, حالىق تۇرمىسىن جاقسارتۋ جونىندە جاسالعان ناقتى قادامدار ەل ەرتەڭىنە ايرىقشا اسەر ەتەتىنىن ەرەكشە اتاپ ءوتتى. سونداي-اق جولداۋدا ايتىلعان ماسەلەلەر ءبىر-بىرلەپ جۇزەگە اسىرىلىپ, حالىقتىڭ شىنايى يگىلىگىنە اينالاتىنىنا سەنىمدىمىز دەپ تۇيىندەدى.
