بولاشاقتىڭ باعدارى
ەلباسىنىڭ «قازاقستان-2050» ستراتەگياسى: قالىپتاسقان مەملەكەتتىڭ جاڭا ساياسي باعىتى» اتتى قازاقستان حالقىنا ارناعان جولداۋىندا «قالىپتاسقان قازاقستان – مەملەكەتتىلىگىمىزدىڭ, ۇلتتىق ەكونوميكامىزدىڭ, ازاماتتىق قوعامىمىزدىڭ, قوعامدىق كەلىسىمىمىزدىڭ, وڭىرلىك كوشباسشىلىعىمىز بەن حالىقارالىق بەدەلىمىزدىڭ داعدارىستا سىنالۋى» دەپ ايتقان سوزدەرىن وسى ماڭىزدى قۇجاتتىڭ باستى تاقىرىبى دەپ اتاۋعا بولادى.
ۇلت كوشباسشىنىڭ «قازاقستان – 2050» ستراتەگياسى ەلىمىزدىڭ جاڭا دامۋ كەزەڭىنە – ەگەمەن جانە تاۋەلسىز مەملەكەتتىڭ الەۋمەتتىك-ەكونوميكالىق جاڭعىرتۋ كەزەڭىنە قادام باسقانىن بىلدىرەدى. سونىمەن قاتار, ونىڭ تاريحي ماڭىزى دا بار, ويتكەنى, وندا پرەزيدەنت «قازاقستان – 2030» ستراتەگياسىنىڭ ورىندالۋى بويىنشا نەگiزگi قورىتىندىلارىن كەلتىردى جانە مەملەكەت پەن قوعامنىڭ 2050 جىلعا دەيىنگى دامۋ كەلەشەگىن بەلگىلەپ بەردى.
وسى ماقساتتا استانا قالاسى ادiلەت دەپارتامەنتىنىڭ جانە ونىڭ ءۇش اۋداندىق باسقارمالارىنىڭ قىزمەتكەرلەرى جولداۋدى ۇجىممەن زەردەلەپ جانە تالقىلاپ, پرەزيدەنت ن.نازارباەۆتىڭ ادىلەت جانە باسقا دا مەملەكەتتىك ورگاندارىنىڭ الدىنا قويىلعان مىندەتتەردى قالا تۇرعىندارىنا تۇسىندىرۋگە كوشتى. وسىنداي ءتۇسىندىرۋ جۇمىسى, ەڭ الدىمەن جوعارى وقۋ ورىندارىنىڭ, كوللەدج ستۋدەنتتەرى جانە مەكتەپ وقۋشىلارى اراسىندا ءوتتى.
بۇگىندە ادىلەت دەپارتامەنتى قىزمەتكەرلەرى «ەلەكتروندى ۇكىمەت» پورتالى ارقىلى اتقارىلاتىن مەملەكەتتىك قىزمەت ارتىقشىلىقتارىن باق ارقىلى جانە حالىقپەن كەزدەسۋلەردە بەلسەندى تۇردە ناسيحاتتاپ, وعان قوسا, جۇمىسقا ەنگىزىلىپ جاتقان جاڭالىقتارعا قاتىستى ادىلەت ورگانىنان بارلىق قىزمەت تۇرلەرىن الۋ ءتارتىبىن حالىققا تۇسىندىرۋدە.
سونداي-اق, قر «جىلجىمايتىن مۇلىك قۇقىعىن مەملەكەتتىك تىركەۋ تۋرالى» زاڭىنا ەنگىزىلگەن وزگەرىستەرگە بايلانىستى, 2013 جىلدىڭ 1 قاڭتارىنان باستاپ قازاقستان اۋماعىندا جىلجىمايتىن مۇلىككە قۇقىقتاردى ەلەكتروندى تىركەۋ قىزمەتى ەنگىزىلگەن, ول نوتاريالدى كۋالاندىرىلعاننان كەيىن بىرىڭعاي نوتارياتتىق اقپاراتتىق جۇيەدەن قۇقىقتىق كاداستردىڭ اقپاراتتىق جۇيەسىنە اۆتوماتتى تۇردە تۇسەتىن قۇقىقتى بەلگىلەيتىن قۇجاتتىڭ ەلەكتروندىق كوشىرمەسى نەگىزىندە جۇزەگە اسىرىلاتىن مەملەكەتتىك تىركەۋ. بۇگىندە وسى جوبا ناتيجەلى ىسكە اسىرىلىپ جاتىر.
تاجىريبە جۇزىندە نوتاريۋس ساتىپ الۋ كەلىسىمىن راسىمدەگەن سوڭ, ساتىپ الۋشىنىڭ جازباشا كەلىسىمىمەن «ە-نوتاريات» ارقىلى ء(بىرتۇتاس نوتارياتتىق اقپاراتتىق جۇيە) نوتاريۋستىڭ تسيفرلىق قولتاڭباسىمەن راستالعان قۇقىق ورناتۋ قۇجاتىن ەلەكتروندى تۇردە قالالىق ادىلەت دەپارتامەنتىنە جىبەرەدى.
جىلجىمايتىن مۇلىكتى ساتىپ الۋشى كەلىسىمگە قول قويعاننان كەيىن, بانك تولەۋ كارتوچكاسىمەن قازاقستان رەسپۋبليكاسىنىڭ ەلەكتروندى ۇكىمەتىنىڭ تولەۋ ءشليۋزى ارقىلى مەملەكەتتىك باج سوماسىن تولەيدى. سايىپ كەلگەندە, جىلجىمايتىن مۇلىك قۇقىعىن ەلەكتروندى تىركەۋ نەبارى ءبىر كۇن ىشىندە جۇزەگە اسىرىلادى.
قورىتىندىلاي كەلگەندە, نوتاريۋستا كەلىسىم-شارت جاساعاننان كەيىن, ازاماتتارعا حقكو-عا ءمىندەتتى تۇردە قۇجاتتاردى تاپسىرۋ جانە ادىلەت ورگانىنىڭ شەشىمىن كۇتۋ قاجەت ەمەس. بارلىق قاجەتتى اقپاراتتى اۆتوماتتى تۇردە نوتاريۋستان تىركەۋشى ورگانعا, دالىرەك ايتقاندا, ادىلەت دەپارتامەنتىنە تۇسەدى. قۇقىقيەلەنۋشىگە نەمەسە ونىڭ ۋاكىلدىك بەرىلگەن تۇلعاسىنا تەك قازاقستان رەسپۋبليكاسىنىڭ ەلەكتروندى ۇكىمەتىنىڭ تولەۋ ءشليۋزى ارقىلى مەملەكەتتىك باج سوماسىن تولەسە بولعانى.
ەلەكتروندى چەك جانە قۇقىقتىق كاداستردىڭ اقپاراتتىق جۇيەسىنە كەلىپ تۇسكەن قۇقىق بەلگىلەيتىن قۇجاتتىڭ ەلەكتروندىق كوشىرمەسى بولعان جاعدايدا تىركەۋشى ورگان تىركەۋ جۇرگىزىلگەنى تۋرالى حابارلامانى بىرىڭعاي نوتارياتتىق اقپاراتتىق جۇيەگە جىبەرەدى. اتاپ ايتقاندا, ەلەكتروندى تىركەۋدى وتكىزۋ ءۇشىن ازاماتتىڭ ەلەكتروندى تسيفرلىق قولتاڭباسى قاجەت ەمەس, تىركەۋ وتكىزۋ ءۇشىن ەڭ باستى شارت ازاماتتىڭ جيك-نىڭ بولۋى, ينتەرنەتكە كىرۋ مۇمكىندىگى جانە بانكتىڭ تولەم كارتاسى بولۋى قاجەت.
زاڭدى جانە جەكە تۇلعالار ءۇشىن وسىنداي ءراسىمنىڭ ارتىقشىلىعى – ۋاقىت جانە ماتەريالدىق شىعىننىڭ قىسقارۋى. بۇل ءادىلەت ورگاندارىندا ەلباسى ن.نازارباەۆتىڭ تاپسىرمالارى ىسكە اسىرىلىپ جاتقانىن دالەلدەيدى.
بۇدان باسقا, ەلباسى تاپسىرماسىن ورىنداۋ ماقساتىندا ادىلەت دەپارتامەنتى ءتۇپكىلىكتى نەگىزدە اكىمشىلىك كەدەرگىلەردى شەشۋ, تىركەۋ ءراسىمىن بارىنشا جەڭىلدەتۋدە.
اتالعان وزگەرىستەر دەپارتامەنت قىزمەتكەرلەرىنىڭ ماعلۇماتىنا قابىلدانىپ, ولار كاسىبي زاڭگەرلەر بولا وتىرىپ, وسى وزگەرىستەر قر زاڭناماسىنا اسەرىن تيگىزەتىندىگىن جانە مەملەكەتتىك قىزمەتشىلەرگە دەگەن تالاپتار كۇشەيەتىندىگىن تۇسىنەدى. وسىعان وراي, دەپارتامەنتتە كادرلاردى تاڭداۋ جانە تاعايىنداۋ, قىزمەتكەر بىلىكتىلىگىن جوعارىلاتۋ, ساپالى رەزەرۆ قالىپتاستىرۋ, باسقارۋشىلار جاۋاپكەرشىلىگىن كۇشەيتۋ كوكەيكەستى ماسەلەلەردىڭ ءبىرى بولىپ تابىلادى. ويتكەنى, قىزمەتكەرلەردىڭ كاسىبي بىلىكتىلىگى, ولاردىڭ ىسكەرلىك جانە مورالدىك ساپاسى, كادر جۇمىسىن ۇيىمداستىرۋ ساپاسى, قورىتا كەلگەندە, ءاربىر مەملەكەتتىك ورگان قىزمەتىنىڭ تيىمدىلىگىن ايقىندايدى.
پرەزيدەنت نۇرسۇلتان نازارباەۆ ءوز جولداۋىندا ەلدىڭ ءاربىر تۇرعىنىنا ەل دامۋىنىڭ بولاشاعى مەن ماقساتتارى جايلى ايتىپ بەردى. جانە ءبىز, بارلىق قازاقستاندىقتار ەلباسى قويعان ماقساتتارعا جەتۋ ءۇشىن «قازاقستان 2050 جىلى الەمنiڭ ەڭ دامىعان مەملەكەتتەرiنiڭ وتىزدىعىنا كىرۋ» ءۇشىن بىرلەسىپ, وسى باعدارلامالىق قۇجاتتا بەلگىلەنگەن مىندەتتەردى ورىنداۋ ماقساتىندا بارىنشا جۇمىلىپ جۇمىس ءجۇرگىزۋىمىز كەرەك.
قانات مۋسين,
استانا قالاسى
ادىلەت دەپارتامەنتىنىڭ
باستىعى