جاڭالىقتار
ەل تاۋەلسىزدىگىنىڭ 25 جىلدىعىنا وراي استانا «جاسىل بەلدەۋىنىڭ» وڭتۇستىك-باتىس اۋماعىندا جالپى ۇزىندىعى 23 شاقىرىمعا سوزىلاتىن جاڭا ۆەلوجول اشىلدى
ەنى 2 مەتردى قامتيتىن جول زاماناۋي ۇلگىدەگى بارلىق تەحنيكالىق تالاپتار مەن ستاندارتتاردى ساقتاي وتىرىپ جاسالعان ءارى ەلىمىزدە ورمان ىشىندە ورنالاسقان تۇڭعىش ۆەلوجول بولىپ تابىلادى.
سالتاناتتى اشىلۋعا استانا قالاسى اكىمىنىڭ ورىنباسارى ەرمەك امانشاەۆ, ريو وليمپياداسىنىڭ چەمپيونى دانيار ەلەۋسىنوۆ, بالالار مەن جاسوسپىرىمدەرگە ارنالعان №6 سپورت مەكتەبىنىڭ ۆەلوسيپەدشىلەرى جانە ەلوردالىق تۇرعىندار قاتىستى.
– ەلوردا سالاۋاتتى ءومىر سالتىن ماقسات ەتكەن قالاعا اينالىپ كەلە جاتىر. بيىل باس قالادا سپورتسۇيەر قاۋىمعا, سپورتشىلارعا ارناپ «استانا مارافونى-2016», دۋاتلون, ترياتلون سەكىلدى جارىستار ۇيىمداستىرىلعان بولاتىن. بۇگىن دە وسىنداي يگىلىكتى شارانىڭ كۋاگەرى بولىپ وتىرمىز. جاڭا ۆەلوجول ەلوردالىقتار ءۇشىن كەرەمەت تارتۋ. ال قىس مەزگىلىندە بۇل ۆەلوجول شاڭعى تەبۋشىلەر ءۇشىن تاپتىرماس الاڭعا اينالعالى وتىر, – دەدى شاھار باسشىسىنىڭ ورىنباسارى.
اۋقىمدى شاراعا 80-نەن اسا قاتىسۋشى قاتىستى. ءبارى دە اشىق اسپان استىندا ۆەلوسيپەد ءمىنىپ, مەجەلەگەن قاشىقتىقتى باعىندىردى. ايتا كەرۋ كەرەك, يلينكا كەنتىنەن باستاۋ العان جول قوسشى كەنتىنە دەيىن جالعاسادى. وسىلايشا ەلوردالىقتار سپورتقا دەگەن ىنتاسىن, وزگەلەرگە دەگەن قۇرمەتىن تانىتتى.
ءƏمىر دوسقوجا
