ەلىمىزدىڭ قازىرگى جاعدايىن ەلباسى ءوز جولداۋىندا تەرەڭنەن تالداپ بەردى. ەرەكشەلىگى سول, مەملەكەت باسشىسى بۇل قۇجاتتا 2050 جىلعا دەيىن جۇزەگە اسىرىلاتىن ستراتەگيالىق باعىتتاردى ايقىنداپ بەردى.
ءبىلىم سالاسىنىڭ قىزمەتكەرى رەتىندە مەنى جولداۋدا ايتىلعان ءمىندەتتەر ىشىندە الەۋمەتتىك سالاعا قاتىستى ءماسەلەلەر قىزىقتىردى. ەل تۇرعىندارىنىڭ الدىندا تۇرعان بۇگىنگى باستى ماقسات – تاۋەلسىزدىك العان جىلداردان بەرى قول جەتكىزگەن يگىلىكتەردى ودان ءارى ۇلعايتىپ, كەلەشەك ۇرپاقتىڭ ءومىر سۇرۋىنە قولايلى جاعداي تۋدىرۋ. جولداۋ جۇكتەگەن مىندەتتەر ەل حالقىنىڭ بىرلەسە قيمىلداۋىمەن, ەسەلى ەڭبەكتەنۋىمەن ورىندالاتىنى ايقىن. مەملەكەتتىك ءتىلدىڭ قولدانىس اياسىن كەڭەيتۋ, الەۋمەتتىك ساياساتتىڭ جاڭا قاعيداتتارى, جاستارعا زور سەنىمنىڭ ارتىلۋى الدىمىزعا ۇلكەن مىندەتتەر جۇكتەيدى.
ماسەلەلەردىڭ ۇلكەن بولىگى جاستارعا ارنالۋى زاڭدى دا. جاستار – قوعامنىڭ قوزعاۋشى كۇشى. مەملەكەت باسشىسى ءاربىر تاپسىرمانى ناقتىلاي وتىرىپ, ونى جۇزەگە اسىرۋ جولدارىن دا ايقىنداپ بەردى. قازاق جاستارى اتالعان باعدارلامادا كورسەتىلگەن نەگىزگى ماقسات-مىندەتتەردى جەتە ءتۇسىنۋى ءتيىس. وسى باعىتتا استانا قالاسىنداعى گۋمانيتارلىق كوللەدجدە دە ءبىرشاما ءىس-شارالار اتقارىلدى. وقىتۋشىلار مەن ستۋدەنتتەر دوڭگەلەك ۇستەلدەر, پىكىرسايىستار, تالداۋ جۇمىستارى ارقىلى جولداۋدىڭ ءاربىر جولىنا توقتالدى. كوللەدج ۇجىمى مەن ستۋدەنت جاستار ەلباسىمىزدىڭ جولداۋىن قولدايتىنىن, ەلىمىزدىڭ وركەندەۋىنە سەنەتىنىن ءبىلدىردى. ەندىگى مىندەت – ەلباسى جۇكتەگەن مىندەتتەردى ورىنداۋ ماقساتىندا جۇمىلا ەڭبەك ەتۋ.
ەلباسىنىڭ بيىلعى جولداۋى – ەلىمىزدىڭ وركەندەۋىنىڭ العى شارتى. ءار جىل سايىنعى پرەزيدەنت جولداۋى ءوز جاڭالىقتارىمەن, قۇندى يدەيالارىمەن, ەلىمىزدىڭ جاڭعىرۋىنا, وركەندەۋىنە نەگىز بولاتىن سالماقتى تۇجىرىمدارىمەن ەرەكشەلەنەدى. ءبىز, ەلباسىنىڭ ەلدى وركەنيەتكە, كەمەل كەلەشەككە باستايتىنىنا كامىل سەنەمىز.
مەيرامكۇل ابساتوۆا,
گۋمانيتارلىق كوللەدجدىڭ ادىسكەرى