ەلباسى نۇرسۇلتان نازارباەۆتىڭ «قازاقستان – 2050» Cتراتەگياسى: قالىپتاسقان مەملەكەتتىڭ جاڭا ساياسي باعىتى» اتتى جاڭا جولداۋىن كوپپەن بىرگە تەلەديدار ارقىلى تىڭدادىق.
قازىرگى تاڭدا حالىقتىڭ تۇرمىسى جاقسى. ونى قالادان دا, اۋىلدان دا جاقسى بايقاۋعا بولادى. اسىرەسە, پرەزيدەنتىمىز وسكەلەڭ ۇرپاقتىڭ وزىق ءبىلىم الۋى ءۇشىن مۇمكىندىك تۋعىزۋعا كوپ كۇش جۇمساپ كەلەدى. ەلىمىزدىڭ كەلەشەگى دە, ەرتەڭگى تاعدىرى دا سولاردىڭ قولىندا ەكەنى اقيقات. بۇگىندە «بالاپان» باعدارلاماسى جۇزەگە اسىپ, زياتكەرلىك مەكتەپتەر, نازارباەۆ ۋنيۆەرسيتەتى, «بولاشاق» باعدارلاماسى جۇمىس جاساپ جاتىر. ەلباسى «بالانى ءبىلىم مەن ەڭبەككە دايىنداۋ – اتا-انانىڭ بورىشى. «بار جاقسىلىق بالالارعا» ۇرانى بارلىق اتا-انا ءۇشىن قاعيداعا اينالۋى قاجەت» دەپ اتاپ كورسەتتى. وسى ماقساتتا ءبىز دە ءبىلىم بەرۋ سالاسىنداعى باسىمدىقتاردى نەگىزگە الا وتىرىپ, وقۋشىلارعا ساپالى ءبىلىم, سانالى تاربيە بەرۋمەن بىرگە ولاردى اتا-بابا مۇراسىن تەرەڭ تانىپ ءبىلۋ ارقىلى قازاقتىڭ ەجەلدەن كەلە جاتقان ونەرلەرىنە باۋلۋ باعىتىندا مەكتەبىمىزدە كوپتەگەن يگى ىستەر اتقارۋدامىز. القالى توپ اقىلداسىپ, «مىڭ بالا» جوباسى قۇرىلدى. وسى جوبانى پايدالانىپ, اتا-بابامىزدىڭ ۇلتتىق ءداستۇرى مەن ونەرىن ودان ءارى دامىتۋدا «شەبەر قولدار» ۇيىرمەسىن قۇرىپ, شىعارماشىلىق جۇمىستار اتقارىپ جاتىرمىز.
ءبىزدىڭ باستى ماقساتىمىز 2050 جىلعا قاراي مىقتى مەملەكەتتىڭ, دامىعان ەكونوميكانىڭ جانە جالپىعا ورتاق ەڭبەكتىڭ نەگىزىندە بەرەكەلى قوعام قۇرۋ ەكەنى بەلگىلى. سوندىقتان, بولاشاققا دەگەن سەنىم بولماسا, تولىققاندى مەملەكەت قۇرۋعا بولمايتىنىن شاكىرتتەرىمىزگە تۇسىندىرە وتىرىپ, باسەكەگە قابىلەتتى دامىعان مەملەكەت بولۋ ءۇشىن ساۋاتتىلىعى جوعارى ەلگە اينالۋعا بارىنشا كۇش جۇمىلدىرۋدامىز. تاۋەلسىز ەلدە تۋىپ, تاۋەلسىز ەلدە تاربيە الىپ جاتقان جاستاردىڭ ازات ويلارى مەن كەمەل بىلىمدەرى ەلىمىزدى كۇنى ەرتەڭ تىڭ ماقساتتارعا اپاراتىنىنا سەنىمىمىز مول.
قاليپا جورابەكوۆا,
استانا قالاسى №51
مەكتەپ-گيمنازياسىنىڭ مۇعالىمى