ەلەكتروندى تىركەۋ ۋاقىتتى ۇنەمدەپ, ماتەريالدىق شىعىندى ازايتادى
سۇيىندىك جۇماعۇلوۆ, استانا قالاسى بويىنشا ادىلەت دەپارتامەنتى باسشىسىنىڭ ورىنباسارى:
– سالەمەتسىز بە, سۇيىندىك سابىرۇلى! قازىرگى زاماندا كىمگە دە بولسىن ۋاقىت قىمبات. ايتىڭىزشى, جىلجىمايتىن مۇلىككە قۇقىقتاردى ەلەكتروندى تىركەۋ قالاي جۇرگىزىلەدى؟
– راسىندا دا, ادىلەت ورگاندارىنىڭ باستى مىندەتى – تورەشىلدىك, سىبايلاس جەمقورلىق, قاعاز اۋرە-سارساڭى مەن اكىمشىلىك كەدەرگىلەردى جويۋ. بۇگىنگى تاڭدا ۇكىمەت پورتالى ارقىلى ادىلەت ورگاندارى ەلەكتروندى فورماتتا 22 قىزمەت ءتۇرىن كورسەتەدى. وسىنداي قىزمەتتەردىڭ ءبىرى, 2013 جىلعى 1 قاڭتاردا ەنگىزىلگەن جىلجىمايتىن مۇلىكتى ەلەكتروندى تىركەۋ بولىپ تابىلادى. ول ءۇشىن قازاقستان ازاماتتارى نوتاريۋستا كەلىسىم راسىمدەلگەننەن كەيىن 1 كۇن ىشىندە ادىلەت ورگاندارىندا ءوز قۇقىقتارىن تىركەي الادى. كەلىسىمگە قول قويىلعاننان كەيىن نوتاريۋس ساتىپ الۋشىنىڭ جازباشا كەلىسىمىمەن ءوزىنىڭ ەلەكتروندى تسيفرلى قولتاڭباسىمەن قۇپتالعان قۇجاتتاردى ەلەكتروندى تۇردە «ە-نوتاريات», ياعني بىرىڭعاي نوتاريالدى اقپاراتتىق جۇيەنىڭ باعدارلاماسى ارقىلى اۋماقتىق ادىلەت ورگانىنا جىبەرەدى. جىلجىمايتىن مۇلىكتى ساتىپ الۋشى كەلىسىمگە قول قويىلعاننان كەيىن, قازاقستان رەسپۋبليكاسى ەلەكتروندى ۇكىمەتىنىڭ تولەم ءشليۋزى ارقىلى تىركەۋ ءۇشىن الىم سوماسىن تولەۋى قاجەت. ەلەكتروندى تىركەۋ ءۇشىن ازاماتتاردىڭ ەلەكتروندى تسيفرلى قولتاڭباسى قاجەت ەتىلمەيدى. جىلجىمايتىن مۇلىككە قۇقىقتاردى مەملەكەتتىك تىركەۋ سالاسىنا ەلەكتروندى تىركەۋدى ەنگىزۋ مەملەكەتتىك تىركەۋ مەرزىمىن 5 كۇننەن 1 كۇنگە دەيىن قىسقارتتى, سونىمەن قاتار جەدەل تىركەۋ ءۇشىن الىم تولەنبەيدى. ەلەكتروندى تىركەۋدىڭ جەكە جانە زاڭدى تۇلعالار ءۇشىن ەڭ باستى ارتىقشىلىعى – ۋاقىت پەن ماتەريالدىق شىعىننىڭ ازايۋى. ەندى نوتاريۋستا كەلىسىم جاسالعاننان كەيىن ازاماتتار قۇجاتتارىن حقكو-عا تاپسىرىپ, ادىلەت ورگاندارىنىڭ شەشىمىن كۇتپەيدى. جىلجىمايتىن مۇلىككە قۇقىقتاردى تىركەۋدىڭ ەلەكتروندى ءتۇرى راسىمدەۋ شارالارىن تۇبەگەيلى جەڭىلدەتىپ, كەدەرگىلەردى جويىپ, ازاماتتارعا قولايلى جاعدايلار تۋعىزۋدا. قازىرگى تاڭدا وسى جەدەلدەتىلگەن مەملەكەتتىك قىزمەت ءتۇرىن قولدانۋشىلار سانى كۇننەن-كۇنگە وسۋدە.
– مەنىڭ اتام ۇلى وتان سوعىسىنىڭ ارداگەرى, ول ادۆوكاتتىڭ تەگىن كەڭەسىن الا الا ما؟
– قازاقستان رەسپۋبليكاسى «ادۆوكاتتىق قىزمەت تۋرالى» زاڭىنىڭ 2-تاراۋىنداعى 1-تارماقشانىڭ 6-بابىنا سايكەس, ەگەر سوتتىڭ قاراۋىنداعى داۋ كاسiپكەرلiك قىزمەتپەن بايلانىستى بولماسا, ۇلى وتان سوعىسىنىڭ قاتىسۋشىلارى مەن ولارعا تەڭەستiرiلگەن ادامدار, مەرزiمدi قىزمەتتەگi اسكەري قىزمەتشiلەر, I جانە II توپتاعى مۇگەدەكتەر, جاسى بويىنشا زەينەتكەرلەر بولىپ تابىلاتىن تالاپ قويۋشىلار مەن جاۋاپكەرلەر ادۆوكاتتىڭ تەگىن كەڭەسىن الا الادى.
– قايىرلى كۇن, سۇيىندىك سابىرۇلى! مەملەكەتتىك سالىقتى سەنىمحات ارقىلى تولەۋىمە بولا ما؟
– قازاقستان رەسپۋبليكاسىنىڭ 2008 جىلعى 10 جەلتوقسانىنداعى № 99-IV «سالىق جانە بيۋدجەتكە تولەنەتىن مىندەتتى تولەمدەر (سالىق كودەكسى)» كودەكسىنىڭ 454-بابىنا سايكەس, الىم تولەۋشىلەر بولىپ ءتىركەۋشى ورگاننىڭ قازاقستان رەسپۋبليكاسىنىڭ زاڭىنا سايكەس, تىركەۋ ءىس-ارەكەتى كەزىندە مۇددەلەرىن قورعايتىن جەكە جانە زاڭدى تۇلعالار بولىپ تابىلادى. قۇرىلىمدىق ءبولىمشەلەر مۇددەسىنە وراي, تىركەۋشى ورگان تىركەۋ ءىس-ارەكەتىن جۇرگىزۋ كەزىندە قۇرىلىمدىق بولىمشەلەر دەربەس الىم تولەۋشىلەر رەتىندە قاراستىرىلۋى مۇمكىن. وسىعان وراي, سەنىمحات ارقىلى مەملەكەتتىك الىمدى تولەۋ كەزىندە, سەنىم بىلدىرگەن تۇلعا, تولەم قۇجاتتارىندا سەنىم ءبىلدىرۋشىنىڭ دەرەكتەرىن, ياعني تولىق اتى-ءجونىن, جسن, بسن ەنگىزۋى قاجەت.
– مەن پاۆلودار قالاسىنىڭ تۇرعىنىمىن, استانا قالاسى ادۆوكاتىنىڭ زاڭ كومەگىنە جۇگىنەيىن دەپ ەدىم. بۇل مۇمكىن بە؟
– ارينە. ادۆوكات قازاقستان رەسپۋبليكاسىنىڭ بۇكiل اۋماعىندا, سونداي-اق, ەگەر بۇل قابىلداعان تاپسىرمانى ورىنداۋ ءۇشىن قاجەت بولسا جانە تيiستi مەملەكەتتەردiڭ زاڭدارىنا ءارى قازاقستان رەسپۋبليكاسىنىڭ حالىقارالىق شارتتارىنا قايشى كەلمەسە, ونىڭ اۋماعىنان تىس جەرلەردە ادۆوكاتتىق قىزمەتپەن اينالىسۋعا قۇقىلى.
– جەكە نوتاريۋس ليتسەنزياسىنىڭ كۇشىن كىم جانە قانداي نەگىزدەر بويىنشا توقتاتا الادى؟
– نوتاريۋس ليتسەنزياسىنىڭ كۇشى ازاماتتاردىڭ ارىزدارى, اۋماقتىق ادiلەت ورگاندارىنىڭ, نوتارياتتىق پالاتالاردىڭ, پروكۋراتۋرا, تەرگەۋ, انىقتاۋ ورگاندارىنىڭ ۇسىنىستارى نەگiزiندە قازاقستان رەسپۋبليكاسى ادiلەت مينيسترلiگiنiڭ شەشiمiمەن توقتاتىلا تۇرادى.
– №2 نىساندى انىقتاما الۋعا بارعانىمدا, پاتەرىمنىڭ ارەستتە تۇرعانىن ايتتى. ول مەملەكەتتىك سوت ورىنداۋشىسىنىڭ قاۋلىسى نەگىزىندە قويىلعان. سوت اكتىلەرىن ورىنداۋ دەپارتامەنتى اتالعان قاۋلىنىڭ كوشىرمەسىن ۇسىنا المادى. استانا قالاسىنىڭ ادىلەت دەپارتامەنتىنەن سول قاۋلىنىڭ كوشىرمەسىن الا الامىن با؟
– قازاقستان رەسپۋبليكاسىنىڭ «جىلجىمايتىن مۇلىككە قۇقىقتاردى مەملەكەتتىك تىركەۋ تۋرالى» زاڭىنىڭ 17-بابى 2-تارماعىنا ءسايكەس, قۇقىقتىق كاداستردى تىركەۋ ىسىندەگى قۇجاتتاردىڭ كوشىرمەلەرى سوت, قۇقىق قورعاۋ جانە باسقا دا مەملەكەتتىك ورگانداردىڭ قازاقستان رەسپۋبليكاسىنىڭ زاڭناماسىمەن بەلگىلەنگەن قۇزىرەتىنە سايكەس, دالەلدى سۇراۋلارىنا ۇسىنىلادى. باسقا تۇلعالارعا اتالعان اقپارات تەك قۇقىق يەلەنۋشىنىڭ كەلىسىمىمەن عانا ۇسىنىلادى. قازاقستان رەسپۋبليكاسى ۇكىمەتىنىڭ «مەملەكەتتىك قىزمەت ۇلگىسىن بەكىتۋ تۋرالى» 2009 جىلعى №2121 قاۋلىسىنا سايكەس, تىركەۋشى ورگانمەن قۇپتالعان جىلجىمايتىن وبەكتىلەردىڭ جوسپارى مەن تىركەۋ ىسىندەگى قۇجاتتاردىڭ كوشىرمەلەرىن ۇسىنۋ قىزمەتىمەن, «ءبىر تەرەزە» قاعيداسىمەن جۇمىس ىستەيتىن حالىققا قىزمەت كورسەتۋ ورتالىقتارى اينالىسادى. وسىلايشا, تىركەۋ ىسىندەگى قۇجاتتاردىڭ كوشىرمەلەرىن الۋ ءۇشىن, بەلگىلەنگەن ۇلگىدەگى وتىنىشپەن حالىققا قىزمەت كورسەتۋ ورتالىعىنا جۇگىنگەنىڭىز ءجون.
– سۇيىندىك سابىرۇلى, مىنانى بىلگىم كەلەدى: سەنىمحات قانشا مەرزىمگە بەرىلەدى؟
– سەنىمحات 3 جىل مەرزىمگە بەرىلۋى مۇمكىن. ەگەر مەرزىم كورسەتىلمەسە, سەنىمحات بەرىلگەن كۇننەن باستاپ 1 جىل مەرزىمگە بەرىلەدى. ەگەر بەرىلگەن كۇن كورسەتىلمەگەن جاعدايدا, سەنىمحات جارامسىز بولىپ تانىلادى.
– ءوز اتىما جىلجىمايتىن مۇلىكتىڭ قۇقىقتىق مەنشىگىمە تىركەلمەگەندىگى تۋرالى ءمالىمەتتى قالاي الۋىما بولادى؟
– قازاقستان رەسپۋبليكاسىنىڭ 2009 جىلعى 15 جەلتوقساندا №2121 ۇكىمەت قاۋلىسىمەن بەكىتىلگەن, مەملەكەتتىك قىزمەت ستاندارتىنا سايكەس, «جىلجىمايتىن مۇلىككە ءتىركەلگەن «تىركەلمەگەن» قۇقىقتارى (اۋىرتپالىقتارى) جايلى انىقتامانى اۋماقتىق ادىلەت ورگاندارىمەن حالىققا قىزمەت كورسەتۋ ورتالىقتارى ارقىلى ۇسىنىلادى. سونىمەن قاتار ەلەكتروندى تسيفرلى قولتاڭبانىڭ بولۋى جاعدايىندا «ەلەكتروندى ۇكىمەتتىڭ» www.e.gov.kz, ۆەب-پورتالى ارقىلى الۋعا بولادى. بۇل رەتتە استانا قالاسىنىڭ ادىلەت دەپارتامەنتى مالىمەتتى تەك استانا قالاسى بويىنشا بەرەتىنىن ەسكەرگەن ءجون.
– ادۆوكاتتىڭ زاڭعا قايشى ءىس-ارەكەتىمەن ءجيى كەزدەسىپ جاتامىز. مۇنداي جاعدايلاردا قانداي مەملەكەتتىك ورگانعا نەمەسە ۇيىمعا شاعىمدانعانىمىز ءجون؟
– بۇل رەتتە استانا قالاسى جەڭىس داڭعىلى, 15-ۇيدە ورنالاسقان ادىلەت دەپارتامەنتىنە جانە سارىارقا داڭعىلى, 31/2 ۇيدەگى ادۆوكاتتار القاسىنا شاعىمدانا الاسىز.
– مۇلىكتى ساتىپ الۋ كەلىسىمى راسىمدەلگەننەن كەيىن, قانشا ۋاقىتتىڭ ىشىندە مەنشىككە ءوز قۇقىعىمدى تىركەۋىم قاجەت؟
– قازاقستان رەسپۋبليكاسىنىڭ «جىلجىمايتىن مۇلىككە قۇقىقتاردى مەملەكەتتىك تىركەۋ تۋرالى» زاڭنىڭ 9-بابىنىڭ 1-تارماعىنا ءسايكەس, سوت شەشىمى ءوز كۇشىنە ەنگەننەن كەيىن, كەلىسىمدى نوتاريالدى كۋالاندىرعاننان كەيىن, باسقا دا قۇقىقتىڭ پايدا بولۋىنا نەگىز بولا الاتىن قۇقىقتى كۋالاندىراتىن قۇجاتتى قولعا العاننان كەيىن, 6 ايدان كەشىكتىرمەي مەملەكەتتىك تىركەۋگە ءوتىنىش جازۋىڭىز كەرەك. وسى باپتىڭ 1-تارماعىندا بەلگىلەنگەن مەرزىمدى بۇزعان زاڭدى جانە جەكە تۇلعالار قازاقستان رەسپۋبليكاسىنىڭ زاڭىمەن قاراستىرىلعان جاۋاپقا تارتىلادى.
– پاتەرىمدى ساتايىن دەپ ەدىم. ايەلىمنىڭ رۇقساتى كەرەك ەكەن. جىلجىمايتىن ءمۇلىككە قاتىستى جاسالعان ساتىپ الۋ-ساتۋ شارتىن تىركەگەن كەزدە, ەرلi-زايىپتىلاردىڭ بىرەۋى عانا, ال ساتۋ كەزىندە نەلىكتەن ەرلi-زايىپتىلاردىڭ ەكەۋى تۋرالى مالىمەت كورسەتىلەدى؟
– «نەكە (ەرلى-زايىپتىلىق) جانە وتباسى تۋرالى» كودەكسىنىڭ 33-بابىنىڭ 1-تارماعىنا سايكەس, ەرلi-زايىپتىلار نەكەدە تۇرعان (ەرلى-زايىپتى بولعان) كەزىندە جيناعان مۇلiك ولاردىڭ بiرلەسكەن ورتاق مەنشiگi بولىپ تابىلادى.
قازاقستان رەسپۋبليكاسىنىڭ ازاماتتىق كودەكسىنىڭ 223-بابىنىڭ 1-تارماعىنا سايكەس, ەرلi-زايىپتىلاردىڭ نەكەدە تۇرعان كەزدە جيناعان مۇلكi, ەگەر بۇل مۇلiك ەرلi-زايىپتىلاردىڭ ۇلەستi مەنشiگi بولاتىنى, نە ولاردىڭ ارقايسىسىنا تيەسiلi نەمەسە مەنشiك قۇقىعىندا تيiستi بولiكتەردە ەرلi-زايىپتىلاردىڭ ارقايسىسىنا تيەسiلi ەكەنi ولاردىڭ اراسىنداعى شارتتا كوزدەلمەسە, ولاردىڭ بiرلەسكەن مەنشiگi بولىپ تابىلادى.
2012 جىلدىڭ 27 ساۋىرىندەگى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ءارتۇرلى زاڭنامالىق اكتىلەردىڭ قۇقىق نورمالارى اراسىنداعى قايشىلىقتاردى, ولقىلىقتاردى, كولليزيالاردى جانە سىبايلاس جەمقورلىق قۇقىق بۇزۋشىلىقتار جاساۋعا ىقپال ەتەتىن نورمالاردى جويۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ 2012 جىلدىڭ 27 ساۋىرىندەگى №15-V زاڭىنا سايكەس, جىلجىمايتىن مۇلىكتى جۇبايلاردىڭ بىرەۋى العاندا, ەكىنشىسىنە دە مەنشىك قۇقىعى تىركەلەتىندىگى تۋرالى نورمانى قاراستىراتىن وزگەرىستەر ەنگىزىلدى. وسىلايشا, تىركەۋشى ورگان ەرلi-زايىپتىلاردىڭ نەكەدە تۇرعان كەزدە جيناعان جىلجىمايتىن مۇلكiن تىركەۋدى, ەرلi-زايىپتىلاردىڭ قايسىسى شارتقا قول قويعاندىعىنا قاراماستان, ەگەر شارتتا ەرلi-زايىپتىلاردىڭ ەكىنشىسى تۋرالى مالىمەت بولعان جاعدايدا (تاج, جسن) «جىلجىمايتىن مۇلىك تىركەلىمى» مەملەكەتتىك دەرەك قورىنا ەرلi-زايىپتىلار تۋرالى مالىمەتتەردى ەنگىزۋ جولىمەن جۇزەگە اسىرادى.
گۇلبارشىن وكەشقىزى
جىلجىمايتىن مۇلىكتى ەلەكتروندى تىركەۋدىڭ ناقتى سىزباسى كەرەك