«جاھاندىق جىبەك جولى – قالا مەرلەرىنىڭ فورۋمى» اتتى پانەلدىك سەسسيادا جىبەك جولىنىڭ بويىنداعى ەلدەردىڭ ەكونوميكالىق ىنتىماقتاستىعى, قالالىق تۋريزم مەن ساۋدانى دامىتۋ, ەكولوگيالىق ماسەلەلەردى وڭ شەشۋ, شاعىن جانە ورتا بيزنەستى وركەندەتۋ, smart-city تەحنولوگيالارىن ەنگىزۋ سياقتى ماسەلەلەر كەڭىنەن تالقىلاندى.
جىبەك جولى ەلدەرى قالالارىنىڭ فورۋمى ۇكىمەت جانە قالا باسشىلارىنىڭ, ايماق-قالالاردىڭ جاڭا ءوسىم ساپاسىن قالىپتاستىرۋعا ارنالعان سالالىق ساراپشىلاردىڭ بىرەگەي الاڭى بولىپ سانالادى. وسى سەسسيانىڭ اشىلۋىنا نۇر-سۇلتان قالاسىنىڭ اكىمى باقىت سۇلتانوۆ قاتىسىپ, قۇتتىقتاۋ ءسوز سويلەدى. ءوز سوزىندە ول استانا ەكونوميكالىق فورۋمى الاڭىندا الەمدەگى قالالار مەن ەلدەردى الاڭداتقان اسا كەلەلى ماسەلەلەردى اشىق تالقىلاۋعا تاماشا مۇمكىندىكتەر بارىن اتاپ ءوتتى.
